နောက်ကြောင်းပြန်မလှည့်ရေးနှင့် တပ်မတော်၏ အခန်းကဏ္ဍ(အယ်ဒီတာ့အာဘော်)
အစိုးရသစ်၏ ဒီမိုကရေစီးပြုပြင်ပြောင်းလဲမှုများအပေါ် အမေရိကန်ပြည်ထောင်စု၊ ဥရောပသမဂ္ဂ ၊ ကုလသမဂ္ဂအပါအ၀င် နိုင်ငံတကာအသိုင်းအ၀င်းက အပြုသဘောဆောင်ကြိုဆိုမှုများနှင့်အတူ နောက်ကြာင်းပြန်မလှည့်ရေး (Irreversible) ဆိုသောစကားလုံးက နိုင်ငံတကာနယ်ပယ်တွင်သာမက မြန်မာ့နိုင်ငံရေးနယ်ပယ်တွင်ပါ တွင်တွင်ကျယ်ကျယ်ပြောဆိုသတိပေးသုံးနှုန်းလာကြသည်။ ယနေ့အစိုးရသစ်ခေါင်းဆောင် သမ္မတကြီး ဦးသိန်းစိန်၊ လွှတ်တော်ဥက္ကဌများ ဖြစ်ကြသည့် သူရဦးရွှေမန်း၊ ဦးခင်အောင်မြင့် အပါအ၀င် အစိုးရထိပ်တန်းတာဝန်ရှိသူများမှာ ယခင်အစိုးရလက်ထက် တပ်မတော်ခေါင်းဆောင်များအဖြစ် တာဝန်ထမ်းဆောင်ခဲ့ကြသူအများစုဖြစ်ပြီး။ မြန်မာ့ဒီမိုကရေစီပြုပြင်ပြောင်းလဲမှုများတွင် တပ်မတော်က အရေးကြီးသောအခန်းကဏ္ဍမှပါဝင်နေသည်မှာ ငြင်းဆန်မရနိုင်သော ပကတိအမှန်တရားပင်ဖြစ်သည်။ဖွဲ့စည်းပုံအခြေခံဥပဒေအရ လွှတ်တော်တွင် ၂၅ ရာခိုင်နှုန်းသော တပ်မတော်သားကိုယ်စားလှယ်များသည် ရွေးကောက်ပွဲဝင်ရန်မလိုဘဲ လွှတ်တော်အမတ်များအဖြစ် ပါဝင်ဆောင်ရွက်ခွင်ရနေပြီး အုပ်ချုပ်ရေးကဏ္ဍ၏ အရေးကြီးသော ကာကွယ်ရေး၊ ပြည်ထဲရေး၊ နယ်စပ်ရေးရာဝန်ကြီးများကို ကာကွယ်ရေးဦးစီးချုပ်အမည်စာရင်းတင်သွင်သော တပ်မတော်သားများဖြင့်သာ ခန့်အပ်ရမည်ဟု အတိအလင်းဖော်ပြထားသည်။ စစ်ဘက်ရေးရာတရားစီရင်ရေးတွင်လည်း တပ်မတော်ကာကွယ်ရေးဦးစီးချုပ်၏ အဆုံးအဖြတ်သည် အပြီးအပြတ်ဖြစ်သည်ဟု တရားဝင်ပြဌာန်းထားသည်။ တပ်မတော်များ၏ အဓိကတာဝန်မှာ နိုင်ငံတော်ကာကွယ်ရေးပင်ဖြစ်ပြီး အုပ်ချုပ်ရေး ၊ ဥပဒေပြုရေးနှင့် တရားစီရင်ရေးတို့တွင် တပ်မတော်က ပါဝင်နေခြင်းမှာ ဒီမိုကရေစီစနစ်နှင့် လျော်ကန်မှုမရှိဟုဆိုရပေမည်။ လက်ရှိဖွဲ့စည်းပုံအခြေခံဥပဒေအရ တပ်မတော်သည် အရပ်သားအုပ်ချုပ်ရေးယန္တယား၏ အုပ်ချုပ်ခံအဖွဲ့အစည်းအဖြစ်မပါဝင်ဘဲ သီးခြားလွတ်လပ်သောအဖွဲ့အစည်းအဖြစ် ရပ်တည်လျက်ရှိနေပါသည်။ ကမ္ဘာ့အင်အားအကြီးဆုံးနှင့် လူဦးရေအများဆုံးသောနိုင်ငကြီးနှစ်ခုအကြားတွင်တည်ရှိနေသည့် မြန်မာနိုင်ငံ၏ တပ်မတော်သည် နိုင်ငံတော်ကာကွယ်ရေးအဆင့်မြင့်တင်ရေးကိုသာ အဓိကအာရုံစိုက်သင့်ပြီး တိုင်းပြည်ကာကွယ်ရေးအတွက် အမြဲစဉ်းစားတွေးတောလုပ်ဆောင်နိုင်မှသာ ခေတ်မီအင်အားတောင့်တင်းသော တပ်မတော်ဖြစ်လာနိုင်ပါသည်။ ပြည်သူများဖြင့်ဖွဲ့စည်းထားသော တပ်မတော်သည် ပြည်သူအုပ်ချုပ်ရေးအောက်တွင်သာ ရှိနေသင့်ပြီး ´ ပြည်သူသာအမိ၊ ပြည်သူသာအဖ´ ဟူသောဆောင်ပုဒ်ကို လက်စွဲကျင့်သုံးမှသာပြည်သူလူထုကိုအမှန်တကယ် ကိုယ်စားပြုသော ဒီမိုကရေစီတပ်မတော်တစ်ရပ်ဖြစ်လာပါမည်။
ဒီမိုကရေစီစနစ်ပီပြင်ရေးနှင့် နောက်ကြောင်းပြန်မလှည့်ရေးအတွက် ဖွဲ့စည်းပုံအခြေခံဥပဒေတွင် တပ်မတော်သည် ပြည်သူ့အုပ်ချုပ်ရေးအောက်တွင် တရားဝင်ရပ်တည်ရှိနေသင့်ပါသည်။(သို့မဟုတ်)မဖြစ်မနေ တည်ရှိရပါမည်။
မြန်မာ့ဒီမိုကရေစီပြုပြင်ပြောင်းလဲမှုအခန်းကဏ္ဍတွင် တပ်မတော်၏ ပူးပေါင်းဆောင်ရွက်မှုသည် အရေးကြီးပြီး ပြည်သူ့အုပ်ချုပ်ရေးအောက်တွင် တပ်မတော်ရောက်ရေးမှာ ဒီမိုကရေစီစနစ်ပီပြင်ရေး၊Irreversible စိုးရိမ်မှုများကင်းပျောက်ရေးအတွက် အဓိကအခရာဖြစ်ပါကြောင်း ။
အယ်ဒီတာ
Source : Venus News Weekly