ရခိုင်ပြည်နယ်က မွတ်စလင်ဘာသာဝင်များ​ ခရီး​သွား​ခွင့်​ရပြီ

DVB News- by နော်နိုရင်း  
 

ရခိုင်ပြည်နယ် စစ်​တွေ၊​ သံတွဲ၊​ ​ကျောက်ဖြူ နဲ့​ ​ကျောက်နီ​မော် စတဲ့​မြို့​တွေမှာရှိတဲ့​ မွတ်စလင်ဘာသာဝင်​တွေ အရင်က ခရီး​သွား​လာခွင့်​ ကန့်​သတ်ခံထား​ရ​ပေမယ့်​ အခု ခရီး​သွား​ခွင့်​ရပြီလို့​ မွတ်စလင်ဘာသာဝင်တဦး​က ​ပြောပါတယ်။

မွတ်စလင် ဘာသာဝင်​တွေဟာ မြန်မာနိုင်ငံသား​ စိစစ်​ရေ ကတ်ပြား​ရှိရင် လွတ်လပ်စွာ ခရီး​သွား​လာခွင့်​ရှိ​ကြောင်း​ လူဝင်မှုကြီး​ကြပ်​ရေး​ကတဆင့်​ သတင်း​ရတယ်လို့​ သံတွဲမြို့​နေ မွတ်စလင်တဦး​က ​ပြောပါတယ်။

“စစ်​တွေ၊​ ​ကျောက်ဖြူ၊​ ရမ်း​ဗြဲ၊​ ​ကျောက်နီ​မော်၊​ သံတွဲ၊​ အဲဒီ​ဒေသ​တွေမှာ ရှိတဲ့​ မွတ်စလင်ဘာသာဝင် နိုင်ငံသား​တွေဟာ နိုင်ငံသား​ကတ် ရှိခဲ့​ရင် ခရီး​သွား​လာခွင့်​ကို လွတ်လပ်စွာ ခရီး​သွား​လာနိုင်တယ် ဆိုတဲ့​ သတင်း​ကို ကျ​နော်တို့​ လဝက ဆီက ရတာ​ပေါ့​။ သူတို့​ ဒီ ရက် ၂၀ ​လောက်ကတည်း​က ကျ​နော်တို့​ ဒီသတင်း​ ရတာပါ။ ဘာဖြစ်လို့​ သွား​လာခွင့်​ ပိတ်တာလဲဆို​တော့​ ကျ​နော်တို့​ စာတင်ထား​တာ​တွေ ရှိတယ်ဗျ ဥပ​ဒေ​ကြောင်း​အရ​လေ ဒီအစိုး​ရအ​ပေါ်မှာ ကျ​နော်တို့​ နိ်ုင်ငံသား​ အခွင့်​အ​ရေး​တွေ ဆုံး​ရှုံး​နေမှုအ​ပေါ်မှာ ကျ​နော်တို့​ ၂၀၀၈ ဖွဲ့​စည်း​ပုံအရ နိုင်ငံသား​ရဲ့​ ခံစား​ခွင့်​တွေ ရရှိဖို့​၊​ ပညာသင်ကြား​ခွင့်​တွေ ရရှိဖို့​၊​ ကျန်း​မာ​ရေး​ဆေး​ကုသခွင့်​တွေ ရရှိဖို့​ ဆိုတဲ့​ ဥပ​ဒေ​တွေ ကျ​နော်တို့​က ​ထောက်ပြပြီး​တော့​ ကျ​နော်တို့​ စာတင်ခဲ့​ပါတယ်။ အဲဒီမှာ သူတို့​ စဉ်စား​တယ်လို့​လည်း​ ကျ​နော်တို့​က သုံး​သပ်မိတယ်​ပေါ့​။”

ရခိုင်ပြည်မှာ ​နေထိုင်တဲ့​ မွတ်စလင်ဘာသာဝင်​တွေဟာ အရင်က ခရီး​သွား​လာခွင့်​ ပိတ်ပင်ကန့်​သတ်ခံထား​ရပြီး​ ခရီး​သွား​ရင် ခရီး​သွား​လာခွင့်​ ပုံစံ ၄ကို သက်ဆိုင်ရာဆီမှာ သွား​ယူ​နေကြရတာပါ။

နိုင်ငံခြား​ သား​တွေ၊​ ဧည့်​နိုင်ငံသား​တွေ ပုံစံ ၄ ယူရသလို မြန်မာနိုင်ငံသား​စိစစ် ​ရေး​ကတ်ပြား​ ကိုင်​ဆောင်ထား​သူ​တွေပါ ပုံစံ ၄ ကို ယူပြီး​မှ ခရီး​သွား​ခွင့်​ရပါတယ်။ အခုနှစ် ဧပြီလအတွင်း​မှာ​တော့​ ခရီး​သွား​လာခွင့်​ပုံစံ မထုတ်​ပေး​တော့​ပါဘူး​။

ခရီး​သွား​ လာခွင့်​ပိတ်ပင်ခံထား​ရမှု​ကြောင့်​ မွတ်စလင်ဘာသာဝင်​တွေဟာ စီး​ပွား​ရေး​ကျပ်တည်း​ပြီး​ စား​ဝတ်​နေရ​ရေး​အခက်အခဲနဲ့​ ကြုံ​တွေ့​ခဲ့​ရပါတယ်။

နိုင်ငံသား​တ​ယောက်အ​နေနဲ့​ လွတ်လပ်စွာသွား​လာခွင့်​ရတဲ့​အတွက် ဝမ်း​သာ​ကြောင်း​ သံတွဲမြို့​ခံ မွတ်စလင်တဦး​က ​ပြောပါတယ်။

“ဝမ်း​သာတာ​ ပေါ့​ဗျာ။ အနှစ် ၂၀ ​လောက် ကျ​နော်တို့​မှာ ကျန်း​မာ​ရေး​၊​ စီး​ပွား​ရေး​၊​ လူမှု​ရေး​၊​ ပညာ​ရေး​ အရမ်း​ကို ကျပ်တည်း​ခဲ့​တယ်​လေ။ ဒီအ​နေအထား​မှာ ဒီ နိုင်ငံ​တော်က ကျ​နော်တို့​ရဲ့​ ခံစား​ချက်​တွေကိ်ု သူတို့​ စာနာ​ထောက်ထား​ပြီး​တော့​ ဒီလိုမျိုး​ ကျ​နော်တို့​ကို နိုင်ငံသား​အဖြစ် အသိအမှတ်ပြုပြီး​တော့​ နိ်ုင်ငံသား​အခွင့်​အ​ရေး​ မဆုံး​ရှုံး​အောင် အသိအမှတ်ပြုတာကို ကျ​နော်တို့​အ​နေနဲ့​ အများ​ကြီး​ ဝမ်း​သာတာ​ပေါ့​။ ဒီဟာ​တွေကိုလည်း​ ​နောက်ထပ် ဆုံး​ရှုံး​မှု​တွေ မဖြစ်​အောင် ကျ​နော်တို့​ဘက်က နိုင်ငံသား​ကောင်း​ ပီပီ နိ်ုင်ငံတာဝန်ကို ​ကျေပွန်စွာနဲ့​ ​နေထိုင်သွား​ဖို့​လည်း​ အ​ရေး​ကြီး​ပါတယ်။”

ရခိုင်ပြည်နယ်ဘက် မွတ်စလင်ဘာသာဝင်​တွေ အခုလို လွတ်လပ်စွာ သွား​လာခွင့်​ရ​နေ​ပေမယ့်​ မန္တ​လေး​တိုင်း​ မိတ္တိလာမြို့​ဘက်က မွတ်စလင်ဘာသာဝင် ​တွေက​တော့​ ပြီး​ခဲ့​တဲ့​ ရက်ပိုင်း​ကပဲ သူတို့​ရဲ့​ ဘာသာဝင်သင်္ဂြီုင်း​ ဖျက်ဆီး​ခံရတဲ့​အတွက် ရုန်း​ရင်း​ဆန်ခတ်မှု ဖြစ်ပွား​ခဲ့​ပါတယ်။ အခင်း​ဖြစ်ချိန် အာဏာပိုင်​တွေ​ရောက်လာပြီး​ ​ဖြေရှင်​ပေး​ခဲ့​သလို အ​စောင့်​အကြပ်​တွေလည်း​ ချထား​ပါတယ်။

Link: http://burmese.dvb.no/archives/13365