တရားစီရင်ရေးစနစ်ကို ပြောင်းဖို့လိုပြီ (ဆောင်းပါး)
အမေရိကန်ပြည်ထောင်စု၊ Georgetown University မှ ပါမောက္ခ David Steinberg ၏ မြန်မာပြည် ပြန်လည်ထူထောင်ရေးမှာ တရားစီရင်ရေးစနစ် မြှင့်တင်ရန် မရှိမဖြစ်လိုအပ်ကြောင်း အဆိုပြုထားသည့် ဆောင်းပါးဖြစ်ပါသည်၊ ပါမောက္ခ Steinberg သည် အာရှနှင့် မြန်မာ့ပြည်အရေးကျွမ်းကျင်သူအဖြစ် လူသိများပါသည်။
မြန်မာပြည်မှာ ၁၉၄၈ ခုနှစ် ပြည်ထောင်စုမြန်မာနိုင်ငံတော်အစိုးရကနေ ၂၀၁၁ ခုနှစ် ပြည်ထောင်စု သမ္မတမြန်မာနိုင်ငံတော် အစိုးရအထိ ရင်ဆိုင်နေရတဲ့ အဓိက ပြသနာကတော့ လူနည်းစုနှင့် လူများစုတို့ ကြားထဲက ဆက်ဆံရေးကို ကျွမ်းကျွမ်းကျင်ကျင် မကိုင်တွယ်တတ်တဲ့ ပြသနာပါပဲ။
ဗဟိုအစိုးရက ပြည်ထောင်စုကြီး ပြိုကွဲမှာကို စိုးရိမ်သလို၊ လူနည်းစုတွေကလည်း ယဉ်ကျေးမှုနဲ့ စီးပွားရေး ခြယ်လှယ်ခံရမှာကို စိုးရိမ်ခဲ့ကြပါတယ်။
ဒါကြောင့် မြန်မာပြည်ရဲ့ အနာဂတ်ဟာ လူများစု ဗမာတွေနဲ့ မတူကွဲပြားတဲ့ လူနည်းစုအုပ်စုတွေကြားထဲမှာ အာဏာနဲ့ အရင်းအမြစ်တွေကို ဘယ်လောက်အထိ မျှမျှတတ ဖြန့်ကျက်ခွဲဝေနိုင်မလဲဆိုတာက အဆုံးအဖြတ်ပေးပါလိ့်မ်မယ်။
လက်နက်ကိုင်အုပ်စုတွေနဲ့ အပစ်ခတ်ရပ်စဲရေးဟာ ပြသနာဖြေရှင်းရေးအတွက် ပထမခြေလှမ်းဖြစ်ပြီး၊ မျိုးဆက်နဲ့ချီ တဦးအပေါ် တဦးမယုံကြည်တာတွေ၊ ခွဲခြားဆက်ဆံတာတွေကို ကျော်လွှာနိုင်ဖို့ကတော့ အခုမှ အစပဲ ရှိပါသေးတယ်။
လူနည်းစုတွေရဲ့ ပြည်နယ်နဲ့ လူများစုတွေရဲ့ တိုင်းဒေသကြီး ပါလီမန်တွေ ပေါ်ပေါက်လာတာကို တိုးတက်မှုတွေအဖြစ် ကြိုဆိုသင့်သလို၊ တချိန်တည်းမှာ ဒေသအုပ်ချုပ်ရေးအဖွဲ့တွေကို ပိုပြီး အာဏာ အပ်နှင်းတာမျိုးက နောက်ဆက်တွဲ မဖြစ်မနေ ဆက်လုပ်ရမယ့် ကိစ္စဖြစ်ပါတယ်။
အုပ်စုတွေအားလုံးအတွက် အပြောင်းအလဲလမ်းကြောင်းမှာ ပွင့်ပွင့်လင်းလင်းနဲ့ အားပေးမှုတွေ လိုအပ်ပါတယ်။ အခုအချိန်အထိတော့ စစ်တပ်က ထိန်းချုပ်ကန့်သတ်ထားတုန်းပဲ ရှိပါသေးတယ်။ ဒေသအသီးသီးရဲ့ ယဉ်ကျေးမှု၊ ဘာသာစကား၊ ဓလေ့ထုံးတမ်း၊ ဘာသာတရားတွေကို လေးစားဖို့၊ နဂိုအရှိအတိုင်း လွတ်လပ်ခွင့်ရှိဖို့ လိုအပ်ပါတယ်။ ၂၀၀၈ ဖွဲ့စည်းပုံ အခြေခံဥပဒေအပါအ၀င် မြန်မာပြည်မှာ ရှိခဲ့ဖူးတဲ့ ဖွဲ့စည်းပုံတွေ အားလုံးမှာပါတတ်တဲ့ မစားရ၀ခမန်း – လက်တွေ့ဘာမှ ဖြစ်မလာတဲ့ အဆင့်ကို ကျော်ကြဖို့ လိုပါပြီ။
အာဏာတွေအားလုံး လူပုဂ္ဂိုလ်တွေက မောင်ပိုင်စီးထားတဲ့ တိုင်းပြည်တခုမှာ လွတ်လပ်တဲ့ တရားစီရင်ရေးစနစ်ဟာ နယ်ပယ်စုံ တိုးတက်လာရေးအတွက် မရှိမဖြစ် အရေးကြီးလှပါတယ်၊ ပင်ကိုယ် အရည်အချင်းရှိပြီး၊ စနစ်တကျ သင်ကြားတတ်မြောက်ထားကြတဲ့ တရားရေး ၀န်ထမ်းတွေကို ၁၉၆၂ ခုနှစ်မှာ စစ်တပ်က ဖျက်စီးပစ်ခဲ့ပါတယ်။ နဂိုအခြေအနေ ပြန်ရောက်ဖို့ လိုအပ်နေပါတယ်။
၂၀၀၈ ဖွဲ့စည်းပုံအခြေခံဥပဒေမှာ ကိုယ်ပိုင်လုပ်ပိုင်ခွင့်နဲ့ တရားရေးဆိုင်ရာ အစိုးရ ယန္တယားခွဲတရပ်ကို ဖွဲ့စည်းဖို့ တောင်းဆိုထားပြီး၊ သမ္မတ ဦးသိန်းစိန်ကလည်း သူ့ရဲ့တိုက်ရိုက်အမိန့်နဲ့ အဖွဲ့အစည်းတရပ်ကို ဖွဲ့စည်းခဲ့ပါတယ်၊ တချိန်တည်းမှာ အတိုက်အခံကလည်း တရားဥပဒေစိုးမိုးရေးကို တောင်းဆိုနေပါတယ်။
ရာစုနှစ်ဝက်လောက် အာဏာရှင်စနစ်လက်အောက်မှာကျရောက်ခဲ့တဲ့ တရားရေး စနစ်ကို ပြောင်းလဲတိုးတက်လာဖို့ ဘယ်လောက်ပဲ ခက်ခဲတယ်ဆိုဆို၊ တိုင်းပြည်အနာဂတ် အတွက်ကတော့ အသက်တမျှအရေးကြီးပါတယ်။
ရည်ညွန်း၊ ၊ David Steinberg: Promote the rule of law
နေသွင်
Source : ပါမောက္ခပညာရေးမဂ္ဂဇင်း
