မြန်မာ့ နိုင်ငံရေးတွင် ၁၉၆၂ ခုနှစ် စစ်တပ် အာဏာသိမ်းယူခဲ့ပြီး နောက်ပိုင်းမှစ၍ လက်ရှိ စစ်ဝတ်ချွတ်ထားသော တချို့အာဏာရ ခေါင်းဆောင်များ အထိ ပြည်သူများအရေးထက် မိမိတို့၏ လုပ်ပိုင်ခွင့်အာဏာ ဆက်လက်မြဲမြံရေး နည်းမျိုးစုံဖြင့် ဆောင်ရွက်နေသည်ကို မြင်တွေ့ရသည်။ စာရေးသူ မမီလိုက်သော်လည်း ကြားသိရသလောက်မှာ ၁၉၆၂ ခုနှစ် စစ်တပ်အာဏာသိမ်းပြီး တော်လှန်ရေးကောင်စီ အဖွဲ့ဝင်များအတွင်း သဘောထားကွဲပြားသူများ၊ အမိန့်မနာခံသူများကို အဖွဲ့အတွင်း အန္တရာယ်ရှိသူများဟု သတ်မှတ် ကာဖယ်ရှားခဲ့သည့် ဖြစ်စဉ်များရှိခဲ့ဖူးသည်။


ဦးအောင်လင်းထွဋ် (ဓါတ်ပုံ - photayokeking.org)

အလားတူ ၁၉၇၀ ခုနှစ်ဝန်းကျင် မြန်မာ့ဆိုရှယ်လစ် ပါတီညီလာခံတွင် ဥက္ကဋ္ဌကြီး ဦးနေဝင်းကိုယ်တိုင် မဲမရသောကြောင့် ပါတီအတွင်း ဖြုတ်ထုတ်ရှင်းခဲ့မှုများ ရှိခဲ့သည်။ နောက်ဆုံး ၁၉၈၈ ခုနှစ် အရေးအခင်း မတိုင်ခင် ဦးနေဝင်းက အစိုးရ နောက်ကွယ်သို့ ပြောင်းရွှေ့နေရာယူခဲ့သည်။ ၁၉၈၈ ခုနှစ် အရေးအခင်းတွင် မအောင်မြင်သော လက်ရင်းတပည့် ဗိုလ်ချုပ်ဟောင်းများကို ဘေးဖယ်ခိုင်းပြီး တပည့်လက်သစ် ဗိုလ်ချုပ်ကြီး စောမောင်နှင့် ဗိုလ်ချုပ် ခင်ညွန့်တို့ကို မြန်မာ့နိုင်ငံရေးတွင် ဆက်လက်ဦးဆောင်ရန် စစ်တပ်အုပ်ချုပ်သော နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့ (နဝတ) ကိုမွေးဖွားပေးခဲ့ကာ နှစ်အတန်ကြာ နဝတ၏ နောက်ကွယ်မှ ထိန်းကျောင်း အကြံပေးခဲ့ပါသည်။

ဗိုလ်ချုပ်ကြီးစောမောင် အာဏာ စတင်ရယူစဉ်ကာလသည် ပြည်တွင်းပြည်ပ ဖိအားအများဆုံးအချိန် ဖြစ်ခဲ့သည့် အတွက်ကြောင့်လည်း အဖွဲ့အတွင်း အာဏာတည်ဆောက်မှုကို မဆောင်ရွက်နိုင်ခဲ့ပါ။ ထိုစဉ်က နဝတအဖွဲ့ဝင် ဗိုလ်ချုပ်အများစုသည် ဗိုလ်ချုပ်ကြီး စောမောင်ထက် ဒု စစ်ဦးစီးချုပ် ဒု ဗိုလ်ချုပ်ကြီး သန်းရွှေနှင့် ပိုမိုအနေနီးစပ်ခဲ့သူများ ဖြစ်ကြသည်။ ထို့အတွက်ကြောင့်လည်း ဗိုလ်ချုပ်ကြီး စောမောင်သည် ဒု ဗိုလ်ချုပ်ကြီး သန်းရွှေကို နိုင်ငံရေးအရ အရေးပါသော နဝတ ဒုတိယဥက္ကဋ္ဌ ရာထူးကိုပေးရန် အချိန်အတော် ကြာစဉ်းစားခဲ့ပြီးမှ ခန့်အပ်ခဲ့သည်။

ဗိုလ်ချုပ်မှူးကြီး စောမောင် စိတ်ကျန်းမာရေး ဖြစ်လာသည့်အချိန်အခါတွင်မူ အလွယ်တကူပင် ဗိုလ်ချုပ် ခင်ညွန့်၏ ကူညီပံ့ပိုးမှုဖြင့် ဒု ဗိုလ်ချုပ်မှူးကြီး သန်းရွှေသည် နိုင်ငံတော်အာဏာကို သွေးထွက်သံယိုမရှိဘဲ ရယူနိုင်ခဲ့သည်။ အာဏာရပြီး ရက်ပိုင်းအတွင်းမှာပင် ဦးနေဝင်း၏ တပည့်လက်ရင်း ဗိုလ်ချုပ် ခင်ညွန့်ကို ထိန်းကျောင်းသည့်အနေဖြင့် ဗိုလ်ချုပ်မှူးကြီး သန်းရွှေသည် သားတပည့် ဗိုလ်ချုပ် ကျော်ဝင်းကို ဒု ထောက်လှမ်းရေးအကြီးအကဲအဖြစ် ခန့်အပ်ခဲ့ပါသည်။

“ဗိုလ်ချုပ်မှူးကြီး သန်းရွှေကို ခင်ဗျားတို့ လျှော့မတွက်နဲ့” ဟု ဗိုလ်ချုပ် ကျော်ဝင်းက ၁၉၉၃ ခုနှစ်ပတ်ဝန်းကျင်က ပြောခဲ့ပါသည်။ ယနေ့အချိန်တွင်လည်း မြန်မာ့နိုင်ငံရေး၌ ထိပ်ပိုင်းခေါင်းဆောင် စစ်ဝတ်ချွတ် ဗိုလ်ချုပ်ကြီးဟောင်းများ၊ စစ်ဝတ်ဝတ်ထားဆဲ ဗိုလ်ချုပ်ကြီးများကို မည်ကဲ့သို့ ဗိုလ်ချုပ်မှူးကြီး သန်းရွှေ နေရာချသွားသည်ကို လေ့လာမှတ်သား ရရှိသောသတင်းများကို အခြေခံ၍တင်ပြသွားမည် ဖြစ်ပါသည်။

ဗိုလ်ချုပ်မှူးကြီး သန်းရွှေသည် ၂၀၀၃ ခုနှစ် ဒီပဲယင်း အရေးအခင်းတွင် နိုင်ငံရေးအရ ကြီးမားသော အမှားကြီးတခုကို ဦးဆောင်ကျူးလွန်ခဲ့ပြီးနောက် ၁၉၉၆ ခုနှစ်က ရပ်စဲခဲ့သော အမျိုးသားညီလာခံကို ၂၀၀၄ ခုနှစ်တွင် မဖြစ်မနေ ပြန်လည် ကျင်းပခဲ့ရသည်။ အမျိုးသားညီလာခံ ကျင်းပရေးကော်မတီ ဥက္ကဋ္ဌအဖြစ် လက်ရှိသမ္မတ ဦးသိန်းစိန်ကို ခန့်အပ် တာဝန်ပေးခဲ့သည်။ ထိုစဉ်က သမ္မတဦးသိန်းစိန်သည် နအဖ အတွင်းရေးမှူး (၂) နှင့် စစ်ရေးချုပ် တာဝန်ကို ယူနေရသူဖြစ်ပါသည်။

အလားတူ ၂၀၀၄ ခုနှစ် အမျိုးသားညီလာခံတွင် အမျိုးသားဒီမိုကရေစီ အဖွဲ့ချုပ် (NLD) အမျိုးသားညီလာခံ ပြန်လည်ဝင်ရောက်ရေး ဒေါ်အောင်ဆန်းစုကြည်နှင့် တာဝန်ယူ စေ့စပ်ဆွေးနွေးခဲ့ရသူ ဗိုလ်ချုပ်ကြီး ခင်ညွန့်ကို ထောင်ချပြီး ဒီပဲယင်းအရေးခင်းကို ဦးဆောင်ခဲ့သူ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအသင်း၏ ဒု ဥက္ကဋ္ဌ၊ နအဖ အတွင်းရေးမှူး (၁)၊ လေကြောင်းရန်ကာကွယ်ရေးချုပ် ဒု ဗိုလ်ချုပ်ကြီး စိုးဝင်း (ကွယ်လွန်) ကို ဝန်ကြီးချုပ်တာဝန် ပေးခဲ့သည်။ ထိုစဉ်က နအဖ ဒု ဥက္ကဋ္ဌနှင့် ဒု တပ်မတော်ကာကွယ်ရေးဦးစီးချုပ် ဒု ဗိုလ်ချုပ်ကြီး မောင်အေးအား ဗိုလ်ချုပ်ကြီး ခင်ညွန့်ကိစ္စတွင် ခေါ်ယူ၍ ဗိုလ်ချုပ်မှူးကြီး သန်းရွှေမှ သတိပေးခဲ့ပြီးနောက် စစ်တပ်၏ ကွပ်ကဲမှုကို ညှိနှိုင်းကွပ်ကဲရေးမှူး၊ လက်ရှိပြည်သူ့လွှတ်တော် ဥက္ကဋ္ဌ ဗိုလ်ချုပ်ကြီး သူရရွှေမန်းမှ တာဝန်ယူကာ ဗိုလ်ချုပ်မှူးကြီး သန်းရွှေသို့ တိုက်ရိုက်တင်ပြခြင်းဖြင့် နိုင်ငံတော်အာဏာကို ထိန်းကျောင်းသွားခဲ့သည်။

၂၀၀၇ ခုနှစ် ရွှေဝါရောင် တော်လှန်ရေး၊ ၂၀၀၈ ခုနှစ် နာဂစ် လေမုန်းတိုင်း ပြဿနာများပြီးနောက် ဗိုလ်ချုပ်ကြီး သူရရွှေမန်း၊ ဗိုလ်ချုပ်ကြီး စိုးဝင်း၊ ဗိုလ်ချုပ်ကြီး သိန်းစိန်တို့၏ နိုင်ငံအပေါ် ရှုမြင်ပုံအမြင်များနှင့် ပတ်သက်၍ တိုးတိုးတိတ်တိတ် သတင်းများဖြစ်ပေါ်ခဲ့သေးသည်။ ယင်းကိစ္စများ ကိုင်တွယ်မှုအပေါ် ဗိုလ်ချုပ်မှူးကြီး သန်းရွှေကို တည့်တည့် မဝေဖန်ဝံ့သော်လည်း ထိုကိစ္စများသည် ဦးအောင်သောင်း (လက်ရှိ ငြိမ်းချမ်းရေးအဖွဲ့ ခေါင်းဆောင်) ကြောင့်ဟု အားလုံးက မှတ်ချက်ပြုကြောင်း သိရသည်။

သို့သော် အဆိုပါဖြစ်စဉ်များအပြီး စစ်ခေါင်းဆောင်ကြီးငယ်များနှင့် စီးပွားရေးလုပ်ငန်းရှင်ကြီးများ၏ လောကတွင် အကယ်၍ ဗိုလ်ချုပ်ကြီး သူရရွှေမန်းသာ နိုင်ငံကိုဦးဆောင်လျှင် တိုင်းပြည်အတွက်ကောင်းမည်၊ ဗိုလ်ချုပ်ကြီး သူရရွှေမန်းက အခြေအနေမှန်ကို တင်ပြလျှင် လက်ခံနားထောင်ပြီး စဉ်းစားပေးတတ်သည့်သူ ဖြစ်မည်ဟု ထိုအချိန်က နေပြည်တော်တွင် သတင်းများ ဖြစ်ခဲ့ပါသည်။ ထိုသို့ တိုးတိုးတိတ်တိတ် သတင်းများ စိမ့်ထွက်လာပြီး နောက်ကြားသိရသော သတင်းများအရ ဗိုလ်ချုပ်မှူးကြီး သန်းရွှေ၏ဇနီး မှ ဗိုလ်ချုပ်ကြီး သူရရွှေမန်း၏ဇနီးကို ခေါ်ယူ၍ သတိပေးခဲ့ကြောင်း သိရသည်။

၎င်းနောက် ဗိုလ်ချုပ်ကြီး သူရရွှေမန်းသည် အနာဂတ်တွင် နံပတ် (၁) မဖြစ်နိုင်ကြောင်း သုံးသပ်မှုများ အတွင်းပိုင်းမှ တီးတိုးထွက်ရှိလာသည်။ မြန်မာနိုင်ငံ၏ အနာဂတ်နံပတ် (၂) ဟု မှန်းဆထားခြင်းခံရသူ ဗိုလ်ချုပ်ကြီး စိုးဝင်းမှာမူ သေမင်းမှ စောစောခေါ်ယူသွားသည့်အတွက် မြန်မာ့နိုင်ငံရေးမှ စွန့်ခွာသွားရသည်။ နဝတ၊ နအဖ လက်ထက် ပြုလုပ်ခဲ့ရသော မကောင်းမှု အကုသိုလ်များကို သေခါနီးမှ သံဝေဂတရားရပြီး စင်ကာပူတွင် ဆေးကုသနေစဉ် တိတ်ခွေအတွင်း အသံသွင်းထားခဲ့ကြောင်း သိရသည်။ သတင်းများအရကမူ ၈ လေးလုံး အရေးအခင်း၊ ဒီပဲယင်းအရေးအခင်း၊ သံဃာအရေးအခင်းများတွင် ပါဝင်ပတ်သက်မှုများကို ဝန်ခံထားသည်ဟု သိရပါသည်။

ဗိုလ်ချုပ်မှူးကြီး သန်းရွှေသည် မူလက အသက်ငယ်ရွယ်သူ၊ ကျန်းမာရေးကောင်းမွန်သူကို အနာဂတ်ခေါင်းဆောင်အဖြစ် ရည်ရွယ်ခဲ့သော်လည်း အခြေအနေအရ ၄င်း၏ စိတ်ကြိုက်မဖြစ်ခဲ့ပါ။ နောက်ဆုံး ကျန်းမာရေးသိပ်မကောင်း၊ နှလုံးရောဂါရှိသူ ဗိုလ်ချုပ်ကြီး သိန်းစိန်ကို ရွေးချယ်ခဲ့ရသည်။ စစ်တပ်အတွင်း ဗိုလ်ချုပ်ကြီး သိန်းစိန်သည် နာမည်ကောင်းရှိသူတဦး ဖြစ်ပါသည်။ အလုပ်နှင့်ပတ်သက်၍ အထက်လူကြီးများ၊ ဘေးဘယ်ညာ လုပ်ဖော်ကိုင်ဖက်များ၊ လက်အောက်ငယ်သားများ၏ လေးစားချစ်ခင်မှုကို ရသောသူတဦး ဖြစ်ပါသည်။ စာရေးသူ စစ်ရုံးတွင် တာဝန် ထမ်းဆောင်စဉ် စစ်ဦးစီးဗိုလ်မှူးကြီး (Col. GS) ဗိုလ်မှူးကြီး သိန်းစိန်သည် ဗိုလ်ချုပ်မှူးကြီး သန်းရွှေ ရုံးတွင် ရှိနေသရွေ့ နေ့ရောညပါ အနားတွင် ရှိနေသူဖြစ်သည်။

နှစ်ပေါင်းများစွာ စစ်ရုံးချုပ်တွင် ဦးစီးအရာရှိ (Staff) တာဝန် ထမ်းဆောင်ခဲ့သော ဗိုလ်ချုပ်ကြီး သိန်းစိန်သည် ယနေ့ မြန်မာနိုင်ငံကို ဦးဆောင်မည့်သူ (Commander) တာဝန်ကို ထမ်းဆောင်နေပြီ ဖြစ်ပါသည်။ စိတ်ရင်းစေတနာကောင်းဖြင့် မြန်မာနိုင်ငံကို ပြုပြင်ပြောင်းလဲမည်ဟု ကြုံးဝါးပြောဆို မိန့်ကြားနေသည်ကို ကြားသိမြင်တွေ့နေရသော်လည်း စိတ်ထင်တိုင်း မလှုပ်ရှားနိုင်သည့် အခြေအနေနှင့် ကြုံတွေ့နေသည်ဟု ခန့်မှန်းရသည်။ စာရေးသူ ရရှိသော သတင်းအရမူ ဗိုလ်ချုပ်မှူးကြီး သန်းရွှေက “ငါခင်းပေးသောလမ်းကြောင်း အတိုင်း မင်းတို့အချင်းချင်း ညှိနှိုင်းပြီးလုပ်ကြ။ ဒါပေမယ့် ငါနဲ့ ကိုအေးတို့ရဲ့ မိသားစုကိုတော့ လာပြီးမထိနဲ့” ဆိုသည့် မှတ်ချက်ကို လက်ရှိခေါင်းဆောင်များ ပေးခဲ့သည်ဟု သိရသည်။

လက်ရှိ မြန်မာ့နိုင်ငံရေး အခင်းအကျင်းကို လေ့လာလျှင် သမ္မတ ဦးသိန်းစိန်၊ ပြည်သူ့လွှတ်တော် ဥက္ကဋ္ဌ သူရ ဦးရွှေမန်း၊ ကာကွယ်ရေးဦးစီးချုပ် ဒု ဗိုလ်ချုပ်မှူးကြီး မင်းအောင်လှိုင်တို့က အဓိကအခန်းကဏ္ဍမှ ပါဝင်ဆောင်ရွက်နေသည်ကို တွေ့မြင်ရသည်။ သဘောထားမကွဲပါဟု ပြောနေသော်လည်း အထက်ပါ သုံးဦးသည် တသဘောတည်း ဆောင်ရွက်၍ မရအောင် အခြေအနေများက ဖန်တီးထားသည်ကို တွေ့မြင်နေရသည်။

လက်ရှိအခြေအနေအရလည်း ခေါင်းဆောင် သုံးဦး၏ ဆောင်ရွက်နေရပုံများကို စာဖတ်သူများ ကြားသိ မြင်တွေ့နိုင်ပေသည်။ မည်သို့ပင်ဆိုစေကာမူ ၂၀၀၈ ဖွဲ့စည်းပုံ အခြေခံဥပဒေအရ တပ်မတော်သည် မြန်မာ့နိုင်ငံရေး၏ ဦးဆောင်မှုတွင် ပါဝင်ရမည့် ဦးတည်ချက်ကို လက်ရှိအချိန်တွင် အဆိုပါ သုံးဦး အာခံရဲကြမည် မဟုတ်ပါ။ သို့သော်နောင်တချိန် မပြောင်းလဲနိုင်ဘူးဆိုသည်ကိုမူ အပြတ်ပြော၍မရပါ။ ယခင်ကာလများနှင့်မတူ ကမ္ဘာ့နိုင်ငံရေး၊ မြန်မာ့နိုင်ငံရေးတို့သည် အချိန်နှင့်တပြေးညီ ပြောင်းလဲနေသောကြောင့် ဖြစ်သည်။

မြန်မာ့နိုင်ငံရေးတွင် ဒေါ်အောင်ဆန်းစုကြည်၏ အခန်းကဏ္ဍကို ပစ်ပယ်၌မရဆိုသည်ကို စစ်ခေါင်းဆောင် အဆက်ဆက် ကောင်းကောင်း နာလည်ကြပါသည်။ ထို့ကြောင့်လည်း နဝတ၊ နအဖ ခေတ်အဆက်ဆက် နည်းမျိုးစုံနှင့် ဒေါ်အောင်ဆန်းစုကြည်ကို စည်းရုံးခဲ့ကြသည်။ ၂၀၀၈ ခုနှစ် ဖွဲ့စည်းပုံအပြီး၂၀၀၉ ခုနှစ်တွင် ဒေါ်အောင်ဆန်းစုကြည်အား နေအိမ်အကျယ်ချုပ် ရက်စေ့၍ ပြန်လွှတ်ရန် ဗိုလ်ချုပ်မှူးကြီး သန်းရွှေ စဉ်းစားခဲ့သေးသည်။ သို့သော် ဒေါ်အောင်ဆန်းစုကြည်နှင့် NLD ၂၀၁၀ ရွေးကောက်ပွဲဝင်လာလျှင် ၄င်းတို့၏ ရည်ရွယ်ချက် ပျက်သွားနိုင်သည်ဟု ဆုံးဖြတ်ခဲ့သဖြင့် အမေရိကန်နိုင်ငံသား ယက်တောကို အကြောင်းပြုကာ ဒေါ်အောင်ဆန်းစုကြည်ကို ၂၀၁၀ ရွေးကောက်ပွဲအပြီးအထိ နေအိမ်အကျယ်ချုပ်ဖြင့် ထိန်းသိမ်းခဲ့သည်။

စာရေးသူအနေဖြင့် “၁၉၉၀ ရွေးကောက်ပွဲမှသည် ၂၀၁၀ ရွေးကောက်ပွဲဆီသို့” ဆောင်းပါးဖြင့် ဖြစ်လာနိုင်ခြေ နည်းလမ်း သုံးလမ်းကို ထိုစဉ်က နအဖ၏ စဉ်းစားပုံအား တင်ပြခဲ့ပြီးဖြစ်ပါသည်။ ၂၀၁၀ ရွေးကောက်ပွဲအပြီးတွင် ဒေါ်အောင်ဆန်းစုကြည်နှင့် NLD ကို မြန်မာ့နိုင်ငံရေးတွင် ပစ်ပယ်၍မရဆိုသည့် စစ်ခေါင်းဆောင်များ၏ မူဝါဒအရ ၂၀၁၂ ကြားဖြတ်ရွေးကောက်ပွဲဖြင့် လမ်းဖွင့်ပေးခဲ့သည်ကို ယနေ့ တွေ့မြင်ရမည်ဖြစ်သည်။

သို့သော် ယနေ့ ဒေါ်အောင်ဆန်းစုကြည်အား တပ်မတော်သားများ အပါအဝင် ပြည်သူလုထု၏ ထောက်ခံမှုသည် ယခင်ကာလများကထက်ပင် ပိုမိုအားကောင်းလာသည့်အတွက် မူဝါဒရေးဆွဲသူကြီးအနေဖြင့် အတော် တုန်လှုပ်သွားသည်ဟု အတည်ပြုဆဲ သတင်းများအရ သိရပါသည်။ အထူးသဖြင့် ဒေါ်အောင်ဆန်းစုကြည်နှင့် NLD ရွေးကောက်ပွဲ ဝင်ရခြင်းရည်ရွယ်ချက် သုံးချက်ဖြစ်သည့် တရားဥပဒေ စိုးမိုးရေး၊ ပြည်တွင်းငြိမ်းချမ်းရေး၊ ဖွဲ့စည်းပုံ ဥပဒေပြင်ရေးသည် အငြိမ်းစားယူပြီဆိုသော စစ်ခေါင်းဆောင်ကြီးများနှင့် လက်ရှိစစ်ဝတ်ချွတ် စစ်ခေါင်းဆောင်များအတွက် အထူးတုန်လှုပ်နေကြသည်ဟု သိရသည်။

အကယ်၍ ဒေါ်အောင်ဆန်းစုကြည်နှင့် NLD လွှတ်တော်အတွင်း ရောက်သွားခဲ့ပြီး မြန်မာနိုင်ငံ ဒီမိုကရေစီအရေးတွက် သင်ပုန်းခြေရေးလမ်းစဉ်ကို ကိုင်ဆွဲကာ လက်ရှိခေါင်းဆောင်များနှင့် ပူးပေါင်းဆောင်ရွက်သွားနိုင်မည် ဆိုပါက အခြေအနေကောင်းများ ဖြစ်လာနိုင်ပါသည်။ စစ်ခေါင်းဆောင်များဘက်ကလည်း ဒီပဲယင်းကဲ့သို့သော ဖြစ်စဉ်များ မလုပ်တော့ပါဆိုသည့် ကတိကဝတ်များ ရထားရန် လိုအပ်သည်။ လုံခြုံရေးသတိ အမြဲရှိရန် လိုအပ်သည်။

အချုပ်အားဖြင့် လက်ရှိ အာဏာရှိနေသော သမ္မတ ဦးသိန်းစိန်၊ ပြည်သူ့လွှတ်တော်ဥက္ကဋ္ဌ သူရဦးရွှေမန်း၊ ကာကွယ်ရေးဦးစီးချုပ် ဒု ဗိုလ်ချုပ်မှူးကြီး မင်းအောင်လှိုင်တို့၏ တိုင်းပြည်အပေါ်ထားသည့် စိတ်ရင်းစေတနာသည် ယခင် စစ်အာဏာရှင်ကြီးများနှင့် မတူဆိုသည်ကတော့ သေချာပါသည်။ သို့သော် ယခင် အငွေ့အသက်များကမူ ယခုအထိ ရှိနေကြဆဲပင်။ အငွေ့အသက်များ ပျောက်အောင် ချက်ချင်းတော့ လုပ်၍မရပါ။ အချိန်ယူရလိမ့်မည် ထင်ပါသည်။

လက်ရှိအခြေအနေတွင် တိုင်းရင်းသားအရေးသည် အဓိကဖြေရှင်းရမည့်ကိစ္စဟု မြင်သည်။ ဗိုလ်ချုပ်အောင်ဆန်းနှင့် ချုပ်ဆိုခဲ့သော ပင်လုံစာချုပ်ကို ပီပြင်အောင် ဆောင်ရွက်ရပါလိမ့်မည်။ လက်ရှိ အာဏာရခေါင်းဆောင်များ၊ ဒေါ်အောင်ဆန်းစုကြည်၊ နိုင်ငံရေးပါတီများ၊ တိုင်းရင်းသား ပါတီများနှင့် လက်နက်ကိုင်များ ပူးပေါင်းညှိနှိုင်း ဆောင်ရွက်နိုင်မှ ရလိမ့်မည်ဟု မြင်ပါသည်။

(ဗိုလ်မှူးဟောင်း အောင်လင်းထွဋ်သည် တန်ပြန်ထောက်လှမ်းရေး အရာရှိ၊ အမေရိကန်နိုင်ငံ ၀ါရှင်တန်မြို့ရှိမြန်မာသံရုံး၌ သံမှူးကြီး စသည့် တာဝန်များ ထမ်းဆောင်ခဲ့ပြီး ၂၀၀၅ ခုနှစ်တွင်အမေရိကန်၌ နိုင်ငံရေးခိုလှုံခွင့် တောင်းခံခဲ့သည်။)

စစ်အစိုးရလက်ထက်တွင် ဗိုလ်ချုပ်မှူးကြီး သန်းရွှေ၏ အမိန့်အရ NLD ပါတီဝင်များကို အပြစ်ရှာ နှိမ်နင်းခဲ့သည်ဟု မြန်မာစစ်ထောက်လှမ်းရေးတပ်ဖွဲ့တွင် အရာရှိတစ်ဦးအဖြစ် တာဝန်ယူခဲ့ဖူးသူ ဦးအောင်လင်းထွဋ်က VOA သတင်းဌာနကို မကြာသေးမီက ပြောလိုက်သည်။

၁၉၈၈ နှင့် ၂၀၁၀ အတွင်း နိုင်ငံရေးသမားများ ရည်ရွယ်ချက်ရှိရှိဖြင့် နှိပ်ကွပ်ခံရပုံကို စစ်ထောက်လှမ်းရေးအရာရှိဟောင်းတစ်ဦးက ပထမဆုံးအကြိမ် ထုတ်ဖော်ပြောဆိုလိုက်ခြင်း ဖြစ်သည်။

“NLD အမြစ်ပြတ်ခြေမှုန်းရေး ကျနော်တို့ ကိုယ်တိုင် မဟုတ်တောင်မှ ကျနော်တို့အဖွဲ့အစည်းက လုပ်ရတာကိုးဗျ။ NLDနဲ့ ပတ်သက်လျှင် NLD ပါတီဝင် တွေ ကို ရေဖြတ်၊ မီးဖြတ်ကအစ အပြစ်ရှာပြီး လုပ်ခဲ့ရတာ။ မလုပ်လို့ လည်းမရဘူး။ အာဏာရှင်တို့ရဲ့သဘော သဘာဝအရ ခင်ဗျားသိတဲ့အတိုင်း၊ ကျူပင်ခုတ်ကျူငုတ်မကျန်၊ သားစဉ်မြေးဆက်အကုန်လုံးကို ဒုက္ခ ပေး တာ ကိုး” ဟု ဦးအောင်လင်းထွဋ်က ပြောဆိုကြောင်း VOA သတင်းဌာန ၀က်ဆိုက်တွင် ဖေဖော်ဝါရီ ၁၈ နေ့စွဲဖြင့် ဖော်ပြထားသည်။

၁၉၉၆ နောက်ပိုင်းတွင် ထိုသို့ နှိမ်နင်းရန် အမိန့်ရခဲ့ခြင်းဖြစ်သည်ဟု ၎င်းက ရှင်းပြသည်။

“ဗိုလ်ချုပ်မှူးကြီးကနေ ကျနော်တို့ကို NLD ကို မင်းတို့ အမြစ်ပြတ်ခြေမှုန်းရမယ် ဆိုလို့ ထောက်လှမ်းရေးက လူမိုက်အငှားခံခဲ့ရတဲ့ အနေအထားမျိုး ရှိပါတယ်” ဟု စစ်ထောက်လှမ်းရေး အရာရှိဟောင်း ဦးအောင်လင်းထွဋ်က ပြောသည်။

ထိုသို့ ချေမှုန်းခံရသော်လည်း NLD ပါတီဝင်များ၊ နိုင်ငံရေးသမား အများအပြား ဒီမိုကရေစီလှုပ်ရှားမှုတွင် တစ်စိုက်မတ်မတ် ပါဝင်ခဲ့ကြသည်။

ဗိုလ်မှူးဟောင်း ဦးအောင်လင်းထွဋ်က ဆက်လက် ပြောကြားရာ မြန်မာပြည်တွင် စစ်သားများက အနိုင်ကျင့်တတ်သည့် စရိုက်ရှိသည်ဟု ဆိုသည်။

“စစ်သားဆိုတာ တပ်ရင်းမှူး၊ တပ်စုမှူးက တောမှာ ဗိုလ်ကျချင်တိုင်း ကျကြတယ်ဗျာ။ မြို့ပေါ်တက်တော့လည်း အဲဒီအကျင့်က ပါနေတုန်းပဲ။ ဒီအကျင့်တွေက ခုထိ မပျောက်သေးဘူးဗျ။ အဲဒီတော့ ဒီအကျင့်တွေ ပျောက်ဖို့ဆိုတာ တပ်မတော်ကိုလည်း ပြင်ဖို့ ဆင်ဖို့ train လုပ်ဖို့ က လိုတယ်ဗျ” ဟု သူက ရှင်းပြသည်။

သို့သော်လည်း စစ်တပ်တွင် တိုးတက်ဖြစ်ထွန်းမှုတခုရှိကြောင်း သူက ထောက်ပြသည်။

“ဒီနေ့ ကြားရတဲ့သတင်းမှာ ကချင်ပြည်နယ်မှာ အမျိုးသမီးတစ်ယောက်ကို ဖမ်း ထားပြီးမှ ပြန်မလွှတ်တဲ့ကိစ္စကို နေပြည်တော်မှာ တရားရုံးတင်မယ်ဆိုတာ ဒါကောင်းတဲ့ သတင်းပါ” ဟု သူက ပြောသည်။

“တောထဲမှာ လူမသိသူမသိ အသတ်ခံရ မုဒိန်းကျင့် ခံရတာတွေအများကြီး ရှိခဲ့တယ်။ ဒါတွေကို အရေးယူပေး ရမယ်” ဟုလည်း သူက ပြောပြသည်။

ဦးအောင်လင်းထွဋ်သည် အမေရိကန်ပြည်ထောင်စုတွင် နေထိုင်လျက်ရှိသည်။

ဝါရှင်တန်ရှိ မြန်မာသံရုံးတွင် သံတမန်တစ်ဦးအဖြစ် ဦးအောင်လင်းထွဋ် တာဝန်ယူစဉ် စစ်ထောက်လှမ်းရေးအရာရှိများကို မြန်မာပြည်တွင် ဖမ်းဆီးအကျဉ်းချသည့် ၂၀၀၅ ခုနှစ်တွင် ဦးအောင်လင်းထွဋ်က အမေရိကန်တွင် ခိုလှုံခွင့် တောင်းလိုက်သည်။

ဇနီး၊ သား တစ်ဦး၊ သမီး နှစ်ဦး၊ နှမ (သို့မဟုတ် အစ်မ) တဦး တို့နှင့် အတူ ခိုလှုံခွင့် တောင်းခံခြင်း ဖြစ်ကြောင်း၊ သူ၏ အတိတ်ကာလ စစ်ဘက်ဆိုင်ရာ တာဝန်ထမ်းဆောင်မှုများကြောင့် ခိုလှုံခွင့် ငြင်းပယ်ခံထားရကြောင်း၊ သို့သော်လည်း ၎င်းတို့အား နေထိုင်ခွင့် ပြုထားကြောင်း Asia-Pacific Defense Forum စစ်ဘက်ဆိုင်ရာ မဂ္ဂဇင်း၏ အင်တာနက် စာမျက်နှာတွင် ရေးသား ဖော်ပြထားသည်။

        ဦးအောင်လင်းထွဋ်  ( Photo Moe Makha)


တပ်မှူးတပ်သား ပြောစကား (၁၀၀)

ဦးရော်နီညိမ်း။ ။ မြန်မာနိုင်ငံရဲ့ လက်ရှိ ဖြစ်ထွန်း ဖြစ်ပေါ်နေတဲ့ နိုင်ငံရေးအခြေအနေတွေကို သုံးသပ်ပေး ဖို့ စစ် ထောက်လှမ်းရေးနဲ့ သံတမန်အရာရှိဟောင်း၊ ဗိုလ်မှူးဟောင်း ဦးအောင်လင်းထွဋ်ကို ဗီအိုအေရဲ့ စတူဒီ ယိုထဲကို ဖိတ်ခေါ်ပြီး ဗီအိုအေ၀ိုင်းတော်သားကိုကျော်ကျော်သိန်းနဲ့ ဗီဒီယိုရိုက်ကူးထားတဲ့ တွေ့ဆုံမေးမြန်းခန်း ကို ဗီအိုအေ မြန်မာပိုင်းရုပ်မြင်သံကြားကနေ လွှင့်ထုတ်ခဲ့ပြီးပါပြီ။ ဒီရုပ်သံလွှင့်ခဲ့တဲ့ တွေ့ဆုံမေးမြန်းမှု အစီအ စဉ် အစအဆုံးကို ဗီအိုအေမြန်မာပိုင်း ရေဒီယိုအစီအစဉ်ရဲ့ တပ်မှူးတပ်သား ပြောစကား ကဏ္ဍကနေ နှစ်ပိုင်း ခွဲပြီး လွှင့်ထုတ်တာမှာ အပိုင်း(၁)ကို တော့ ပြီးခဲ့တဲ့ ဖေဖော်ဝါရီလ(၁၁)ရက်နေ့ မနက်ခင်းနဲ့ ညနေခင်းတွေမှာ တင်ဆက်ခဲ့ပြီးပါပြီ။ ဒီတစ်ပတ်မှတော့ ကိုကျော်ကျော်သိန်းနဲ့ ဦးအောင်လင်းထွဋ်တို့ရဲ့ ၀န်ကြီးချုပ်ဟောင်း အငြိမ်းစားဗိုလ်ချုပ်ကြီး ဦးခင်ညွှန့်နဲ့ ပတ်သက်ပြီး တွေ့ဆုံမေးမြန်းထားတာတွေကို အပိုင်း(၂)အဖြစ် ဆက်ပြီး တင်ဆက်ပေးလိုက်ပါတယ် ခင်ဗျာ။

ဦးကျော်ကျော်သိန်း။ ။ အခုနောက်ဆုံး လွှတ်တဲ့အထဲမှာ ဦးအောင်လင်းထွဋ် သိပြီးသားပါ။ ဗိုလ်ချုပ်ကြီး ခင်ညွှန့် နေအိမ်အကျယ်ချုပ်ကနေ ပြန်လွတ်တဲ့အထဲမှာ ပါလာပါတယ်။ ဗိုလ်ချုပ်ကြီးခင်ညွှန့် လွတ်လာတဲ့ အခါမှာ ဦးအောင်လင်းထွဋ်ရဲ့ ပထမဦးဆုံးတုန့်ပြန်မှု စိတ်ထဲမှာ ဘယ်လိုဖြစ်လဲ။

ဦးအောင်လင်းထွဋ်။ ။ ဗိုလ်ချုပ်ကြီးခင်ညွှန့်နဲ့ ပတ်သက်ပြီးတော့ သူလွတ်လာတာကို ကျနော် ၀မ်းသာ တယ်ပြောရမှာပဲ။ ဒါပေမယ့် ဗိုလ်ချုပ်ကြီးခင်ညွှန့်ဟာ လွတ်လာပေမယ့် အများထင်ထားကြသလို ဘာမှ ပြန် မလုပ်နိုင်ပါဘူး။ လွှတ်လိုက်ကတည်းကိုကလည်း ပုဒ်မ (၄၀၁) (အလုံးစုံ အထွေထွေလွတ်ငြိမ်းချမ်းသာခွင့် မဟုတ်သော၊ သမ္မတ၏ လုပ်ပိုင်ခွင့်အရပေးအပ်သည့်)လွတ်ငြိမ်းချမ်းသာခွင့်နဲ့ လွှတ်လိုက်တယ်လို့ ကျနော် တို့ သဘောပေါက်တယ်။ အခုအချိန်လည်း ကျနော်တို့ အင်တာနက်တွေ၊ ဂျာနယ်တွေမှာ တွေ့ရတယ်။ အင် တာဗျူးတွေ ဖတ်ရတယ်။ နောက် ကျနော့်ရဲ့ သူငယ်ချင်းအပေါင်းအသင်းတွေဆီက ကျနော်သိရှိချက်တွေ အရ ဗိုလ်ချုပ်ကြီးခင်ညွန့်အနေနဲ့ ဆက်ပြီးတော့ နိုင်ငံရေးလုပ်ဖို့ အစီအစဉ်မရှိဘူး။ သူလုပ်ခဲ့ကိုင်ခဲ့တဲ့ အတွေ့ အကြုံတွေတော့ရှိတယ်။ သူ့အနေနဲ့ဝန်ကြီးချုပ်ဘ၀က နိုင်ငံတကာဆက်ဆံရေးအတွေ့အကြုံ၊ ထောက် လှမ်း ရေးအတွေ့အကြုံ၊ ငြိမ်းချမ်းရေးအတွေ့အကြုံ ဒါတွေနဲ့ပတ်သက်ပြီးတော့မှ မေးလာလျှင်တော့၊ ပြန်ပြီး share လုပ်မယ့်သဘော၊ ဝေငှမယ့်သဘောတော့ ရှိပါတယ်။ သူ့အနေနဲ့ကတော့ နောင်တက်လာမယ့် မျိုး ဆက်သစ်ပေါ့လေ၊ ဘယ်သူတွေပဲဖြစ်ဖြစ် အသက်ငယ်တဲ့လူငယ်ပိုင်းတွေကို လိုအပ်တဲ့အခါ လာမေးတဲ့အခါ မှာ ပြောပြမယ်ဆိုတဲ့ အနေအထားမျိုးလောက်ပဲ ရှိပါတယ်။

ဦးကျော်ကျော်သိန်း။ ။ ဗိုလ်ချုပ်ကြီးခင်ညွှန့်နဲ့ ထိတွေ့ဆက်ဆံဖူးတဲ့ လူတွေထဲမှာ၊ အဓိကအားဖြင့် နိုင်ငံ ခြားတိုင်း ပြည်တွေက သံတမန်တွေ ရှိမယ်၊ နောက် ပညာရှင်တစ်ချို့ ရှိမယ်။ သူတို့ပြောတဲ့စကားက ဗိုလ်ချုပ်ကြီးခင်ညွှန့်ဟာ moderate ပေါ့နော်၊ အလယ်အလတ်သမားဖြစ်တယ်။ သဘောထားအလယ်အ လတ်ရှိတယ်။ မတင်းမာဘူးပေါ့။ အဲဒီ အချက်ကို ဦးအောင်လင်းထွဋ် သဘောတူလား။

ဦးအောင်လင်းထွဋ်။ ။ ကျနော် သဘောတူပါတယ်။ ဗိုလ်ချုပ်ကြီးခင်ညွန့် ဂျာနယ်တစ်ခုမှာ ပြောခဲ့ဖူး တယ်။ သူဟာ အတွင်းရေးမှူး(၁)၊ ၀န်ကြီးချုပ်၊ ဒါတွေ ဖြစ်ခဲ့တယ်။ သူ့ရဲ့အထက်မှာ ဘယ်သူတွေရှိတယ် ဆို တာ အားလုံး သိပါတယ်။ ဒီရဲ့ policy ကို သူက အကောင်အထည် ဖေါ်ရတဲ့လူပါ။ အခုမှ မဟုတ်ပါဘူး။ ကျနော်တို့ခေတ်မှာ ဒေါ်အောင်ဆန်းစုကြည်နဲ့ 2001 လောက်ကတည်းက ကျနော်တို့ တွေ့ဆုံဆွေးနွေးဖို့ ကြိုးစားခဲ့တယ်။ မှတ်မှတ်ရရ ဒေါ်အောင်ဆန်းစုကြည်က 1996 Visit Myanmar Year ကို သပိတ်မှောက် တယ်။ ပြီးတော့ NLD က အမျိုးသားညီလာခံကနေ ထွက် တယ်။ ထွက်ပြီးတဲ့နောက်ပိုင်း အပေါ်ဆုံးက ဗိုလ်ချုပ်မှူးကြီးကနေ ကျနော်တို့ကို NLD ကို မင်းတို့ အမြစ်ပြတ်ခြေမှုန်းရ မယ်ဆိုလို့ ထောက်လှမ်းရေးက လူမိုက်အငှားခံခဲ့ရတဲ့ အနေအထားမျိုး ရှိပါတယ်။ အဲဒီအချိန်တုန်းကဆိုလျှင် အားလုံး သိကြပါတယ်။ NLD နဲ့ ပတ်သက်တဲ့လူတွေကို ဆွေမျိုးသားချင်းက အစ၊ ကလေးတွေနေတဲ့ ကျောင်းကအစ၊ ကျနော်တို့ က ပြဿနာရှာပေးရတဲ့ အနေအထားမျိုးတွေ ရှိတယ်။ ပြဿနာမရှာလျှင်လည်း မင်းတို့ ဘာလို့မလုပ်လဲ ဆိုတာမျိုး တွေက ရှိကြတယ်။ အဲဒီလို လုပ်လာရာကနေမှာ 1997 မှာ အာဆီယံကို မြန်မာနိုင်ငံ ၀င်တာရှိ တယ်။ အဲဒီအချိန်မှာ ဘာပဲဖြစ်ဖြစ် ကျနော်တို့ နိုင်ငံတကာနဲ့ထိတွေ့မှုတွေ ရှိလာပြီ။ 1999, 2000 လောက် ကျတော့ ဒေါ်အောင်ဆန်းစုကြည်ကို နေအိမ်အကျယ်ချုပ် ပြန်ထားလိုက်ပြီးပြီ။ အဲဒီအချိန်အခါမှာ ဗိုလ်ချုပ် ကြီးခင်ညွန့်အနေနဲ့၊ ဒေါ်အောင်ဆန်းစုကြည် ကို မြန်မာ့နိုင်ငံရေးမှာ ပစ်ပယ်လို့ မရဘူး၊ ဒေါ်အောင်ဆန်းစု ကြည်မပါဘဲ လုပ်လို့မရဘူးဆိုတဲ့ conclusion တစ်ခု ချခဲ့ တဲ့ အနေအထားမျိုး ရှိပါတယ်။ ဒီပေါ်မူတည်ပြီး မှလည်း 2000, 2001 လောက်မှာ ဒေါ်အောင်ဆန်းစုကြည်နဲ့ လျှို့ဝှက် ပြီးတော့ ဆွေးနွေးခဲ့ကြတယ်။ ဒီဆွေးနွေးချက်တွေပေါ် မူတည်ပြီးတော့မှ 2002 May မှာ ဒေါ်အောင်ဆန်းစုကြည်ကို ပြန်လွှတ်လိုက်တယ်။ အဲဒီအချိန်မှာ ကျနော်က အမေရိကားကို ရောက်ပါတယ်။ အဲဒီအချိန်တုန်းကလည်း စနစ်တကျ ပါပဲ။ အဲဒီ အချိန်တုန်းက ကျနော်တို့ DCI (lobby ကုမ္ပဏီ) အမေရိကားမှာ ငှားတယ်။ အမေရိကားမှာ သမ္မတ Bush တက်ခါစပေါ့လေ။ ကျနော်တို့ lobby group တွေငှားပြီးတော့မှ အမေရိကန်အစိုးရနဲ့ ပြေရာပြေကြောင်း ပြော ပါတယ်။ အမေရိကန်အစိုးရကလည်း ကျနော်တို့ကို ပြောပါတယ်။ အခုလိုပါပဲ။ ဒေါ်အောင်ဆန်းစုကြည် နဲ့ ပေါင်းပြီးမှ မင်းတို့လုပ်ပါဆိုတဲ့ အနေအထားမျိုး၊ ပေါင်းလို့ရှိလျှင် သူတို့လက်ခံမယ်ဆိုတဲ့ အနေအထားမျိုး ရှိတဲ့အတွက်ကြောင့်မို့ ဒေါ်အောင်ဆန်းစုကြည်နဲ့သမိုင်းစာမျက်နှာအသစ် ပြန်ဖွင့်မယ်ဆိုပြီး ကြေညာပြီး တော့ ပြန် လွှတ်လိုက်တယ်။ ၀ါရှင်တန်မြန်မာသံရုံးကနေပြီးတော့မှ ကျနော်တို့ကိုယ်တိုင်ပဲ ဘယ်သူမှမသိခင်မှာ ကြေ ညာပေးလိုက်တာပါ။ အဲဒီနောက်ပိုင်း ဒေါ်အောင်ဆန်းစုကြည်ကို လွှတ်ပေးပြီးတော့ အခုလိုပဲနယ်လှည့် ခွင့် ပးတယ်။ နောက်ဆည်တွေ၊ တမံတွေ လိုက်ပြတာတွေ ရှိတယ်။ ပြီးတော့ အားလုံး ခြုံပြောရလျှင်တော့ 2003 ဒီပဲယင်း မှာ ကျနော်တို့ ဇာတ်လမ်း အဆုံးသတ်သွားပြီးတော့မှ ဒုက္ခရောက်သွားတယ်လို့ပဲ ပြောရမှာပဲ။

ဦးကျော်ကျော်သိန်း။ ။ ဒီပဲယင်းက တစ်ကဏ္ဍ ဖြစ်ခဲ့တာပေါ့လေ။ ဆိုတော့…ဗိုလ်ချုပ်ကြီးခင်ညွှန့်နဲ့ ပတ် သက်ပြီး ပြောမယ်ဆို ကျနော်တို့ fair to say (တရားမျှမျှတတ ပြောမယ်ဆိုရင်) ပေါ့နော်၊ သူပြန်လွတ်လာ ပြီးတဲ့နောက်ပိုင်းမှာ ဦးအောင်လင်းထွဋ်လည်း အင်တာနက်ပေါ်မှာ တွေ့မှာပါ၊ အဓိကအားဖြင့်တော့ ပြည် ပ ရောက်နေတဲ့ မြန်မာအသိုင်းအ ၀ိုင်းကြားထဲမှာ အမျိုးမျိုး ပြောကြဆိုကြတာတွေ ရှိပါတယ်။ သဘောထား အမျိုးမျိုးပေးကြတာတွေ ရှိပါတယ်။ ဒီနေရာမှာ ကျနော်တွေးမိတဲ့ အတွေးလေးတစ်ခုကတချိန်တုန်း က ထောက်လှမ်းရေးယန္တယားကို ဦးဆောင်ခဲ့တဲ့ လူတစ်ယောက်အနေနဲ့ တစ်ချိန်တုန်းက ဖြစ်ပျက်ခဲ့တဲ့ကိစ္စ တွ၊ တစ်နည်းအားဖြင့်ဖမ်းခဲ့တာတွေ၊ ထောင်ကျခဲ့တာတွေ၊ သေ ဆုံးခဲ့ရတာတွေနဲ့ ပတ်သက်ပြီး တစ်ချိန်က စစ်ခေါင်းဆောင်တွေမှာ တာဝန်ရှိတယ်လို့ ပြောလျှင်၊ ဗိုလ်ချုပ်ကြီးခင်ညွှန့် မှာကော ဘယ်နှစ်ရာခိုင်နှုန်း တာဝန်ရှိတယ်လို့ ပြောလို့ ရပါသလဲ။

ဦးအောင်လင်းထွဋ်။ ။ ဗိုလ်ချုပ်ကြီးခင်ညွှန့်မှာလည်း တာဝန်ရှိပါတယ်။ ဗိုလ်ချုပ်မှူးကြီးသန်းရွှေတင် မဟုတ်ပါဘူး။ နောက်ဆုံး ကျနော်တို့မှာလည်း တာဝန်ရှိပါတယ်။ ဘာပဲဖြစ်ဖြစ် ကျနော်တို့ကိုယ်တိုင် ဒီထောက်လှမ်းရေး အဖွဲ့အစည်းထဲမှာ နေခဲ့ရတာကိုး။ ဒါပေမယ့် ခုနကပြောသလို စနစ်ပေါ့၊ စစ်အာဏာရှင် စနစ်အောက်မှာ ကျနော်တို့က သားကောင် ဖြစ်ခဲ့ကြပါတယ်။ ဒါ ဗိုလ်ချုပ်ကြီးခင်ညွှန့်တင် မဟုတ်ပါဘူး။ ကျနော်တို့ အဖွဲ့တွေ အားလုံးလည်း ပါပါတယ်။ ကျနော်တို့ အနေအထားအရလည်း ကျနော်တို့ မကောင်း တာလေးတွေ လုပ်ခဲ့ရတာရှိတယ်။ ခုနက ပြောသလိုပေါ့ဗျာ။ NLD အမြစ်ပြတ်ခြေမှုန်းရေး ကျနော်တို့ ကိုယ် တိုင်မဟုတ်တောင်မှ ကျနော်တို့အဖွဲ့အစည်းက လုပ်ရတာကိုးဗျ။ NLDနဲ့ ပတ်သက်လျှင် NLD ပါတီဝင် တွေ ကို ရေဖြတ်၊ မီးဖြတ်ကအစ အပြစ်ရှာပြီး လုပ်ခဲ့ရတာ။ မလုပ်လို့ လည်းမရဘူး။ အာဏာရှင်တို့ရဲ့သဘော သဘာဝအရ ခင်ဗျားသိတဲ့အတိုင်း၊ ကျူပင်ခုတ်ကျူငုတ်မကျန်၊ သားစဉ်မြေးဆက်အကုန်လုံးကို ဒုက္ခ ပေး တာ ကိုး။ ဗိုလ်ချုပ်ကြီးခင်ညွှန့်လည်း ဒီတိုင်းပါပဲ။ ကျနော်တို့ကို ဗိုလ်ချုပ်ကြီးခင်ညွန့် နှစ်ခါပြောဖူးတယ်။ သူ ထွက် ချင်တယ် ဆိုပြီး။ တစ်ခါက ၁၉၉၇ လောက်မှာ တစ်ခါပြောဖူးတယ်။ နောက်တစ်ခါက ၁၉၉၉ ကျနော် အမေရိကား မထွက်ခင်ပေါ့လေ။ ကျနော် ဒီမရောက်ခင်မှာ ပြောခဲ့ဖူးတယ်။ စိတ်ဓါတ်ပျက်တာပေါ့လေ၊ အဲဒီအချိန်မှာ သူ စိတ်မ ကောင်းစွာနဲ့ ပြောခဲ့တယ်။ ငါထွက်ချင်တယ်တဲ့၊ ငါထွက်လျှင် မင်းတို့ ဒုက္ခရောက် လိမ့်မယ်တဲ့။ မင်းတို့ကြောင့် ငါဆက် နေနေရတယ် ဆိုတဲ့ စကားတစ်ခု ပြောခဲ့ဖူးတယ်။ အလားတူပဲ အဲဒီ အချိန်တုန်းက ၀န်ကြီးတစ်ချို့ ဗိုလ်ချုပ်ခင်ညွှန့်ကို လာပြောတာတွေရှိတယ်။ ဗိုလ်ချုပ် ကျနော့်ကို ထွက် ခွင့် ပေးပါ။ ထွက်ခွင့်ဆိုတာ အေးအေးဆေးဆေး ထွက်ချင်တာ ပေါ့ဗျာ။ ဗိုလ်ချုပ်ခင်ညွှန့်က ခင်ဗျားမပြောနဲ့ ကျနော်တောင် ထွက်ချင်တာ ထွက်လို့မရဘူးဆိုတဲ့ အနေအထားမျိုး ပြန် ပြောတယ်။ ဆိုတော့ ကျနော်တို့ က ၀င်ပြီးတဲ့အချိန်မှာ အရှင်ထွက် ထွက်ဖို့က မလွယ်တဲ့ အနေအထားမျိုး ရှိပါတယ်။ တာဝန်မရှိဘူးလား ဆိုတော့ ဗိုလ်ချုပ်ကြီးခင်ညွှန့်လည်း တာဝန်ရှိတယ်။ ကျနော်တို့လည်း တာဝန်ရှိတယ်။ ကျနော် ပြောပြောနေ တဲ့ ခရစ်စတီးကျွန်းကိစ္စဆိုလျှင် ကျနော်လည်းပါသွားတော့ ကျနော့်မှာလည်း တာဝန်ရှိတယ်။ ဒါပေမယ့် အဲဒီအချိန်မှာ သေသွားတဲ့လူတွေအတွက်ကို ကျနော် ဘာမှ မလုပ်ပေးနိုင်ဘူး။ အခု ကျနော်ပြောခွင့်ရလို့ အဲဒီမှာ သေ သွားတဲ့လူတွေအတွက်ကို ကျနော် ပြောပြောနေ တာ။ ဒီအမှုကိစ္စပေါ်လာလို့ အစစ်ခံကြရလို့ ကျနော့်ကို ထောင်ချမယ် ဆိုလည်း ကျနော် ထောင်ကျခံရမယ့်သဘော၊ သေဒဏ်ပေးလည်း သေဒဏ် ကျခံ ရမယ့်သဘော ရှိတယ်။ ဒါပေမယ့် ကျနော့်လိုပဲ ကျနော်တို့ကို အမိန့်ပေးတဲ့ သူတွေကိုလည်း အရေးယူရလိမ့် မယ်။

ဦးကျော်ကျော်သိန်း။ ။ စောစောကပြောတဲ့ ကျူပင်ခုတ်ကျူငုတ်မကျန် ဆိုတဲ့ စကားလိုပေါ့။ ဒါ ၁၉၈၈ နောက်ပိုင်း ပေါ့လေ၊ တကယ်ကတော့ ၁၉၈၈ မတိုင်ခင်ကတည်းက။ သို့သော် ၁၉၈၈ နောက်ပိုင်း မှာ ပိုပြီးသိသာလာတာပါ။ ၁၉၈၈နဲ့ ဗိုလ်ချုပ်ကြီးခင်ညွှန့်တို့ ထောက်လှမ်းရေး၊ စစ်ထောက်လှမ်းရေး၊ တပ်မတော်ထောက်လှမ်းရေးကို ဖျက်သိမ်းတဲ့ အချိန်ထိ ထောက်လှမ်းရေးယန္တယားဆိုတာက ဖိန့်ဖိန့် တုန် ကြောက်ခဲ့ကြရတဲ့ ယန္တယားကြီးပါ။ လူတွေကို အကြောက်တရားနဲ့ ကြီးစိုးခဲ့တာပါ။ ဒီလိုယန္တယားမျိုး ဒီနေ့ ဒီအချိန်မှာ ပြန်ကြည့်မယ်ဆိုလျှင် အနာဂတ် မြန်မာနိုင်ငံမှာ ပြန်ပေါ်လာနိုင်တဲ့ အလားအလာ ရှိသေး တယ်လို့၊ ဦးအောင်လင်းထွဋ် အခုအချိန်မှာ မြင်ပါသလား။

ဦးအောင်လင်းထွဋ်။ ။ ရှိသေးတယ်ဗျ။ အခုအချိန်မှာ SB(Special Branch-ရဲအထူးသတင်းတပ်ဖွဲ့)၊ စရဖ (ကာကွယ် ရေးဝန်ကြီးဌာနလက်အောက်ခံ တပ်မတော်စစ်ဘက်ရေးရာလုံခြုံရေးအဖွဲ့) လို့ခေါ်တဲ့ စစ်ထောက် လှမ်းရေး အဖွဲ့ကော ရှိနေတုန်းပဲ။ ဒီအတိုင်းပဲ သွားတယ်။ အခု စရဖမှာ ရှိတဲ့လူတွေက ကျနော့်တပည့်တွေ ပဲ။ ကျနော် ထောက်လှမ်းရေး သင်တန်းကျောင်းမှာ (၅) နှစ် သင်တန်းဆရာ လုပ်ခဲ့တာကိုး။ နောက်ဆုံး သင် တန်းဆရာဘ၀က၊ ပွင့်ပွင့်လင်းလင်း ပြောရလျှင် ဗိုလ်ချုပ်ကြီး ရွှေမန်းတို့၊ ဗိုလ်ချုပ်ကြီး တင်အောင်မြင်ဦး တို့ နိုင်ငံတော်ကာကွယ်ရေး တက္ကသိုလ်တက်တုန်းက ကျနော် သူတို့ကို lecture ပို့ချခဲ့တဲ့ကောင်ပါ။ အဲဒီတော့ အခုထိတော့ ဒီညာဉ်တွေညာဉ်ဆိုးတွေကတော့ မပျောက် သေးဘူး။ ဘယ်လိုပြောရမလဲ ဆိုတော့ တောမှာ နေပြီးတော့မှ ကျနော်တို့ စစ်သားဆိုတာ တပ်ရင်းမှူး၊ တပ်စုမှူးက တောမှာ ဗိုလ်ကျချင် တိုင်း ကျကြတယ်ဗျာ။ မြို့ပေါ်တက်တော့လည်း အဲဒီအကျင့်က ပါနေတုန်းပဲ။ ဒီအကျင့်တွေက ခုထိ မပျောက်သေးဘူးဗျ။ အဲဒီတော့ ဒီအကျင့်တွေ ပျောက်ဖို့ဆိုတာ တပ်မတော်ကိုလည်း ပြင်ဖို့ ဆင်ဖို့ train လုပ်ဖို့ က လိုတယ်ဗျ။ ဒီလို စည်းမရှိကမ်းမရှိ လုပ်ချင်တာလုပ်လို့ ဘာမှ မဖြစ်ဘူးဆိုတာမျိုး မရဘူး။ အခု သူတို့ လုပ်လာကြ ပါပြီ။ ဒီနေ့ ကြားရတဲ့သတင်းမှာ ကချင်ပြည်နယ်မှာ အမျိုးသမီးတစ်ယောက်ကို ဖမ်း ထားပြီးမှ ပြန်မလွှတ်တဲ့ကိစ္စကို နေပြည်တော်မှာ တရားရုံးတင်မယ်ဆိုတာ ဒါကောင်းတဲ့ သတင်းပါ။ ဒီလို မျိုးကိစ္စတွေဟာ ပွင့်ပွင့်လင်းလင်း ပြောလာဖို့ လိုတယ်။ တောထဲမှာ လူမသိသူမသိ အသတ်ခံရ မုဒိန်းကျင့် ခံရတာတွေအများကြီး ရှိခဲ့တယ်။ ဒါတွေကို အရေးယူပေး ရမယ်။

ဦးကျော်ကျော်သိန်း။ ။ ဟုတ်ကဲ့။ ကျေးဇူးအများကြီးတင်ပါတယ် ဦးအောင်လင်းထွဋ်။

ဦးရော်နီညိမ်း။ ။ ပြီးခဲ့တဲ့ ဇန်န၀ါရီလ (၁၃) ရက်နေ့က နေအိမ် အကျယ်ချုပ်ချ ခံထားရနေရာက သမ္မတ ဦးသိန်းစိန် ရဲ့ လွတ်ငြိမ်းချမ်းသာခွင့်နဲ့ ပြန်ပြီးလွတ်မြောက်လာခဲ့တဲ့ ၀န်ကြီးချုပ်ဟောင်း အငြိမ်းစားဗိုလ်ချုပ် ကြီးဦးခင်ညွှန့်နဲ့ ပတ် သက်ပြီး ဗီအိုအေ၀ိုင်းတော်သား ကိုကျော်ကျော်သိန်းနဲ့ ဗိုလ်မှူးဟောင်းဦးအောင်လင်း ထွဋ်တို့ရဲ့ တွေ့ဆုံမေးမြန်းခန်း အပိုင်း(၂)ကို ထုတ်လွှင့်တင်ဆက်ပေးခဲ့တာ ဖြစ်ပါတယ် ခင်ဗျာ။

ဒီမိုကရေစီလမ်းကြောင်းလျှောက်လှမ်းရေး ပြည်တွင်းပြည်ပမှ ဝိုင်းဝန်းဖိအားပေးတိုက်တွန်းမှုများ အားကောင်းခြင်း၊ မြန်မာ့ စစ်ခေါင်းဆောင်ဟောင်းများ ကိုယ်တိုင် မအောင်မြင်သော မူဝါဒများကို သဘောပေါက် ဝန်ခံလာခြင်းနှင့် သမ္မတ ဦးသိန်းစိန်က ပြုပြင်ပြောင်းလဲရေး လမ်းကြောင်း သို့ နောက်မဆုတ်တမ်း စတင် ခြေလှမ်းလှမ်းနေခြင်းတို့ကို အငြင်းပွားစရာရှိမည် မထင်ပါ။

အောင်လင်းထွဋ် 

လွန်ခဲ့သော နှစ်ပေါင်း ၂၀ နီးပါး စစ်ပွဲများကင်းစင်ပြီး ငြိမ်းချမ်းတည်ငြိမ်ခဲ့သော ပြည်ထောင်စု မြန်မာနိုင်ငံတော်သည် လက်ရှိ အရပ်သား အစိုးရသစ်ဟုခေါ်သော အစိုးရလက်ထက်တွင် စစ်၏ အနိဋ္ဌာရုံ သတင်းများကို ကြားနေရပါသည်။

အထူးသဖြင့် ကချင်၊ ကရင်၊ ရှမ်း ပြည်နယ် ဒေသများတွင် စစ်ပွဲများဖြစ်နေကြပါသည်။ တရုတ်နိုင်ငံက ကျောထောက် နောက်ခံပြုထားသော ကိုးကန့်ငြိမ်းချမ်းရေးအဖွဲ့က နယ်ခြားစောင့်တပ်အစီအစဉ်ကိုလက်မခံသဖြင့် ၂၀၀၉ ခုနှစ်တွင် စစ်တပ်က တိုက်ခိုက်ခဲ့သော်လည်း တရုတ်အစိုးရ၏ ပြင်းထန်သော ဖိအားကြောင့် စစ်ပွဲကိုရပ်ဆိုင်းခဲ့ရသည်။ စစ်အစိုးရ ဒုတိယ နှင့် တတိယ ခေါင်းဆောင်များ ဖြစ်ကြသည့် ဒုတိယ ဗိုလ်ချုပ်မှူးကြီး မောင်အေး ၊ ဗိုလ်ချုပ်ကြီး သူရရွှေမန်းတို့ ကိုယ်တိုင် ရက်ပိုင်းအတွင်း တရုတ်နိုင်ငံသို့ သွားရောက်၍ မှားပါကြောင်း ဝန်ချတောင်းပန်ခဲ့ရသည်။

လက်ရှိအချိန်တွင်မူ ကချင်၊ ကရင်၊ ရှမ်း ငြိမ်းချမ်းရေး အဖွဲ့များကို စစ်တပ်က ပြင်းပြင်းထန်ထန် စစ်ပွဲ ဆင်နွဲနေသော်လည်း တရုတ်နိုင်ငံ ထောက်ခံထားသော၊ မူးယစ်ဆေးဝါးနှင့် စစ်အင်အားကြီးထွားလာသော “ဝ” နှင့် “ရှမ်းအခါ” ငြိမ်းချမ်းရေး အဖွဲ့များကိုမူ စစ်ဆင်ရေး မလုပ်ရဲခဲ့ပါ။ ထို့အပြင် ဗိုလ်ချုပ်မှူးကြီးသန်းရွှေ၏ လက်ရင်းတပည့်များဖြစ်ပြီး လွှတ်တော်ဆပ်ကော်မတီ ဥက္ကဋ္ဌများ ဖြစ်ကြသည့် ဝန်ကြီးဟောင်း ဦးအောင်သောင်း၊ ဦးသိန်းဇော်တို့ ခေါင်းဆောင်သော သမ္မတ၏ အစိုးရ ကိုယ်စားလှယ်အဖွဲ့ကို “ဝ”နှင့်မိုင်းလားဒေသသို့ စေလွှတ် ဆွေးနွေးခဲ့ရပါသည်။

ထိုသို့ ဆွေးနွေးရာတွင် ပစ်ခတ်တိုက်ခိုက်မှု မဖြစ်ရန် ဆက်လက်ထိန်းသိမ်းရေး၊ အပြန်အလှန်စကားပြောနိုင်ရန် ဆက်ဆံရေး ဌာန စခန်းများ ဖွင့်လှစ်ရေး၊ ယခင် နှစ်ဦးနှစ်ဘက် သဘောတူညီခဲ့ပြီးဖြစ်သော နယ်မြေမှကျော်လွန်ပြီး လက်နက်ကိုင် သွားလာသည့်အခါ ကြိုတင် ညှိနှိုင်း ဆောင်ရွက်ရေး၊ နှစ်ဦးနှစ်ဘက် သဘောတူညီသည့် အချိန်နေရာတွင် ဆက်လက် ညှိနှိုင်း ဆွေးနွေးသွားရေး စသည့် အချက် ၄ ချက် ကို “ဝ” နှင့် “ရှမ်းအခါ” ငြိမ်းချမ်းရေး အဖွဲ့များဖြင့် သဘောတူညီခဲ့ကြပါသည်။

အဆိုပါ သဘောတူညီချက်ကို အစိုးရဘက်မှ ရှမ်းပြည်နယ် အစိုးရအဖွဲ့၏ နယ်စပ်လုံခြုံရေးဝန်ကြီး ဗိုလ်မှူးကြီး အောင်သူ ၊ တြိဂံတိုင်း စစ်ဌာနချုပ် စစ်ဦးစီးမှူး ပထမတန်း ဒုတိယ ဗိုလ်မှူးကြီးဇော်ထွန်းမြင့်၊ ရှမ်းပြည်နယ်အစိုးရ အဖွဲ့၏ ပြည်နယ်ဥပဒေချုပ် ဦးမောင်မောင်၊ ရှမ်းပြည်နယ် နယ်စပ်ဒေသဖွံ့ဖြိုးရေးမှူး ဦးအောင်ကျော်မြင့် တို့က လက်မှတ် ရေးထိုးခဲ့ပြီး “ဝ” ဘက်မှ ဦးကျောက်ကွမ်းအမ်း၊ ဦးပေါက်ယူလျန်၊ ဦးအောင်မြင့်၊ မိုင်းလားအဖွဲ့မှ ဦးစံပေ့၊ ဦးခန်းပောာင်၊ ဦးအိုက်ရှဲန်၊ ဦးဇင်ခမ်းနော် တို့က လက်မှတ် ရေးထိုးခဲ့ကြသည်။

၂၀၀၉ ခုနှစ်က နယ်ခြားစောင့်တပ်ကို လက်မခံလျှင် “ဝ” နှင့် “ရှမ်းအခါ” ငြိမ်းချမ်းရေး အဖွဲ့များ စစ်ရေးအရ ဆောင်ရွက်လိမ့်မည် ဟု ခြိမ်းခြောက်ပြောဆိုခဲ့သော်လည်း ယနေ့အချိန်အခါတွင် ကချင်၊ ကရင်၊ ရှမ်း ငြိမ်းချမ်းရေးအဖွဲ့များကို စစ်ရေးအရ ပြင်းပြင်းထန်ထန် အရေးယူခဲ့ပြီး “ဝ” နှင့် “ရှမ်းအခါ” ငြိမ်းချမ်းရေး အဖွဲ့များကိုမူ ငြိမ်းချမ်းရေး စာချုပ်ချုပ်ခဲ့သည်။

“ဝ” နှင့် “ရှမ်းအခါ” ငြိမ်းချမ်းရေး အဖွဲ့များသည် ကချင်လွတ်လပ်ရေးတပ်မတော် (KIA) နှင့် အပြန်အလှန် အကူညီပေးရေး သဘော တူညီထားခဲ့သော်လည်း ကတိကဝတ်ကို ချိုးဖောက်ပြီး အစိုးရနှင့် ပူးပေါင်းခဲ့သည်။

ပြည်ထောင်စုမြန်မာနိုင်ငံ၏ အဓိက လူမျိုးကြီးများဖြစ်သော ကချင်၊ ကယား၊ ကရင်၊ ချင်း၊ မွန်၊ ဗမာ၊ ရခိုင်၊ ရှမ်း တို့၏ တည်ငြိမ် အေးချမ်းမှုကို လျစ်လျူရှုထားပြီး တရုတ်နိုင်ငံအတွင်း အများစုနေထိုင်သော “ဝ” နှင့် အခါ လူမျိုးများ ငြိမ်းချမ်းရေးဆောင်ရွက် နေသည်မှာ အစိုးရဋ္ဌ ရိုးသားမှု မရှိခြင်းက ထင်ရှားနေသည်။

ယနေ့မြန်မာနိုင်ငံသည် လွတ်လပ်၍တက်ကြွသော နိုင်ငံခြားရေးပေါ်လစီကို ကျင့်သုံးနေသည်ဟု ဆိုသော်လည်း တရုတ်နိုင်ငံ၏ ကိုလိုနီကျွန်နိုင်ငံ ဘဝသို့ ရောက်မှန်းမသိ ရောက်နေရပါပြီ။ အစိုးရသစ်က ပြည်တွင်းအရေး ကိစ္စများကိုပင် တရုတ်တို့၏ မျက်နှာ ကြည့်ပြီး အလုပ်လုပ်နေရသည်မှာ ရင်နာစရာကောင်းလှပေသည်။ ယခုအချိန်မှ တရုတ်တို့ကို ချိန်ခွင်လျှာညှိနိုင်အောင် အနောက်နိုင်ငံများနှင့် ပလူးပလဲ လိုက်လုပ်နေရသည်မှာလည်း ရှက်ဖို့ကောင်းပါသည်။

နိုင်ငံ၏အင်အားသည် ပြည်တွင်းမှာသာရှိသည်ဟူ၍ အကြိမ်ကြိမ်ကြွေးကြော်နေသော စစ်ဗိုလ်ကြီးများ ဘာကြောင့် ကိုယ့် သွေးရင်း သားချင်းတွေကို စစ်ပြန်တိုက်နေကြပါသလဲဟု မေးလိုပါသည်။

အနှစ်၂၀ နီးပါး ငြိမ်းချမ်းခဲ့ပြီးမှ ယခုကဲ့သို့ တပ်မတော်၊ တိုင်းရင်းသား လက်နက်ကိုင်အဖွဲ့များနှင့် အများပြည်သူ ဘေးဒုက္ခရောက်အောင် လုပ်နေရပါသနည်း။ ကိုးကန့်၊ ဝ ၊ အခါ လူမျိုးများကိုပင် နားလည်မှုပေးနိုင်လျှင် မူရင်း လူမျိုးများဖြစ်သည့်၊ ပင်လုံစာချုပ်နှင့် လွတ်လပ်ရေးအတူ ရယူခဲ့ကြသည့် တိုင်းရင်းသားများကို အဘယ့်ကြောင့် “ဝ” နှင့် အခါ လူမျိုးများကဲ့သို့ သဘောတူညီချက်မျိုးများ မပေးနိုင်သနည်း ဆိုသည်ကိုလည်း မေးလိုပါသည်။

စာရေးသူသည် စစ်ဝတ်စုံဝတ်၍ နှစ်ပေါင်း၂၅ နှစ်ခန့် ၊ စစ်ဝတ်စုံချွတ်၍ နှစ်ပေါင်း ၅ နှစ်ကျော် မဆလ အစိုးရ နှင့် စစ်အာဏာရှင် အစိုးရ လက်ထက်တွင် အမှုထမ်းခဲ့ရသူ တဦးဖြစ်ပါသည်။ အထူးသဖြင့် တိုင်းရင်းသားလက်နက်ကိုင်များအရေးကို နှစ်အတန်ကြာ ကိုင်တွယ်ခဲ့ရပါသည်။

စာရေးသူတို့နားလည်ခဲ့သည်မှာ တပ်မတော်သားတိုင်းသည် စစ်တပ်တွင် စတင် ဝင်ရောက် အမှုထမ်းစဉ် ကတည်းက အလံကိုင်ပြီး သစ္စာပြုခဲ့ကြသူများ ဖြစ်သည်။ အကျဉ်းချုပ်ပြောရလျှင် တပ်မတော်သည် တိုင်းရင်းသား ပြည်သူလူထု၏ အသက်အိုးအိမ် စည်းစိမ်ကို ကာကွယ်စောင့်ရှောက်ရန် ဖြစ်ပြီး ကိုယ့်တိုင်းရင်းသားချင်း နှိပ်စက်သတ်ဖြတ်ရန် မဟုတ်သကဲ့သို့ လူတစု တဖွဲ့ အတွက် အသုံးချရန် ဖွဲ့စည်းထားသော အာဏာရှင်၏ တပ်မတော်လည်း မဟုတ်ပါ။

စစ်ပွဲများဖြစ်ပါက နှစ်ဘက်လက်နက်ကိုင်အဖွဲ့ဝင်များ ကျဆုံးရသကဲ့သို့ အပြစ်မဲ့ပြည်သူများလည်း ဒုက္ခရောက် စစ်ဘေး စစ်ဒဏ် ခံရ စမြဲပင်။ စစ်ပွဲများတွင် ကျဆုံးရသည်မှာ တပ်မတော်ဘက်တွင်ဆိုပါက အရာရှိအငယ်များနှင့် အခြားအဆင့်ဟုခေါ်သော အရာခံ၊ အကြပ်၊ တပ်သား အများစု ဖြစ်သည်။ အရာရှိကြီးများ သေသည်မှာ အလွန်နည်းပါသည်။

ထို့အပြင် အာဏာရှင်ကြီးများ၏ ဆွေးမျိုးများ၊ တပည့်သားမြေးများသည်လည်း သေဘေးမှဝေးသည့်အပြင် နေရာကောင်းများ ရရှိပြီး မိသားစုများပါမကျန် တိုက်တာ အိမ်ကား များနှင့် ကြီးပွား ချမ်းသာနေကြသည်ကို တွေ့ရမည် ဖြစ်ပါသည်။ အသက်စွန့်ပြီး တိုက်ပွဲဝင် နေကြသည် ဆိုသည့် အရာရှိငယ်နှင့် စစ်သည်များ၏ မိသားစုများက နေ့စဉ် အသက်ဘေးအန္တရာယ် ကင်းဝေးစေကြောင်း ဆုတောင်းနေရမည် ဖြစ်သည်။

ယနေ့ တပ်မတော်အတွင်း စစ်ဘက်ရာထူး ယူထားသော ဗိုလ်ချုပ်ကြီးများကို လေ့လာကြည့်ပါ။ ကာကွယ်ရေးဦးစီးချုပ်က အစ လက်အောက်ဗိုလ်ချုပ်များ၏ စစ်ရေးစွမ်းရည်သည် သုည ဟု ပြောရပါမည်။ ဖြတ်သန်းလာခဲ့သော ငယ်စဉ် စစ်အရာရှိဘဝကို လေ့လာကြည့်မည်ဆိုလျှင် အားလုံးနီးပါးသည် ကိုယ်ရေးအရာရှိ၊ လုံခြုံရေးအရာရှိ၊ ဦးစီးအရာရှိ အစရှိသည့် လူကြီး အနီးကပ်ပြီး နေသူ များပါသည်။

ထူးထူးချွန်ချွန် တိုက်ပွဲဝင်ခဲ့သည့်ပုဂ္ဂိုလ်မျိုး တဦးတယောက်မှ တွေ့ရမည်မဟုတ်ပါ။ ထိုသို့သော စစ်ခေါင်းဆောင်များက အတွေး အခေါ်လည်း မရှိ၊ အမြော်အမြင်လည်း မရှိ အထက်ကခိုင်းတာပဲ ဆိုပြီး စစ်တပ်ကို အသုံးချနေမည်ဆိုလျှင် တပ်မတော်အတွင်း မုဆိုးမ နှင့် ဖခင်မဲ့ သားသမီးများ တနေ့တခြား များလာမည်သာဖြစ်သည်။ မစွမ်းမသန် ဒုက္ခိတများ တပ်မတော် အတွင်း ပိုများလာမည်သာဖြစ်သည်။ မစွမ်းမသန် ဒုက္ခိတ ဖြစ်ပြီးလျှင်လည်း မစို့မပို့ နစ်နာကြေးပေးပြီး တပ်က ထုတ်ခံရ၊ ကူညီမည့်သူ မရှိပါက လမ်းဘေးရောက်ပြီး တောင်းစားရသည့် ဘဝမျိုး ရောက်နေသည်။

ထိုသို့ထောက်ပြနေ၍ စာရေးသူကို တပ်ကိုဖြိုခွဲသူဟု စစ်ခေါင်းဆောင်ကြီးများက စွပ်စွဲပါလိမ့်မည်။ တကယ်တော့ အမှန်တရား ဆိုသည်မှာ ငြင်း၍မရပါ။ စစ်သားဆိုသည် ကိုယ့်နိုင်ငံ ကိုယ့်လူမျိုး ကိုယ့်ဘာသာ အတွက် ဒုက္ခိတ ဖြစ်ပါစေ နောက်ဆုံး အသက်စွန့်ရန်အထိ သစ္စာဆိုထားသူများ ဖြစ်သည်။

ယခု တိုက်ခိုက်သတ်ဖြတ်နေရသည်က ကိုယ့်တိုင်းရင်းသားချင်းပါ။ လူမျိုးခြားများ မဟုတ်ပါ။ အဓိပ္ပာယ်မဲ့သည့် စစ်ပွဲများဖြစ်၍ ထောက်ပြနေရခြင်းပါ။ မတရားသည့် စစ်ပွဲများကို စစ်သည်တို့ လက်မခံရန် တိုက်တွန်းနေရခြင်းပါ။

ကချင်ပြည်နယ် ကျောက်စိမ်းတွင်း၊ သစ်တောများ၊ ကရင်ပြည်နယ် ရှမ်းပြည်နယ် သတ္တုမိုင်း သစ်တောများ စသည်တို့ကရသည့် ပြည်သူ့ဘဏ္ဍာငွေဖြင့် ဝယ်ခဲ့သည့် စစ်လက်နက်ကြီးများ၊ အမြောက်ကြီးများနှင့် တိုင်းရင်းသား လက်နက်ကိုင်များကို တိုက်ခိုက်နေခြင်းမှာ စစ်အာဏာရှင်များ၏ အပြောတမျိုး အလုပ်တမျိုးနှင့် စစ်တပ်ကို နာမည် ပျက်ရန် အသုံးချနေခြင်းကို တွေ့ရမည်ဖြစ်သည်။

စာရေးသူကိုယ်တိုင် ကရင် ခေါင်းဆောင် စောဘိုမြ ၊ ကချင် ခေါင်းဆောင် ဦးဇော်မိုင်၊ မွန် ခေါင်းဆောင် နိုင်ရွှေကျင် တို့နှင့် ရင်းရင်း နှီးနှီး စကားပြောဆိုခဲ့ဖူးပါသည်။ ပြည်တွင်းစစ်ကြောင့် အဓိပ္ပာယ်မဲ့ သေဆုံးခဲ့ကြရသူတို့၏ အလောင်းများကို ဆက်လိုက်မည် ဆိုပါက မြန်မာနိုင်ငံ တောင်ဘက်ခြမ်းက မြောက်ဘက်ခြမ်း အထိ ဆက်နေလောက်ပြီ၊ ဒီလိုအဓိပ္ပာယ်မဲ့သည့် ကိစ္စများကို ရပ်စဲပြီး ငြိမ်းငြိမ်း ချမ်းချမ်း ဖြစ်ရန်အတွက် စကားပြောရန် အချိန်ရောက်ပြီဟု သူတို့၏ ခံယူချက်ကို စာရေးသူအား ပြောပြခဲ့ဖူးပါသည်။

တိုင်းရင်းသား ခေါင်းဆောင်ကြီးများက ပင်လုံစာချုပ်မှသည် ခေတ်အဆက်ဆက် မြန်မာအစိုးရများသည် တိုင်းရင်းသားများအပေါ်တွင် လိမ်ညာခဲ့သည်ဟု ခံစားချက် အသီးသီးရှိကြပါသည်။ လက်ရှိအခြေအနေကို ကြည့်မည်ဆိုလျှင်လည်း ၎င်းတို့ပြောသည့်အတိုင်း ဖြစ်နေသည်ကို တွေ့နေရပါသည်။ အစိုးရအသစ်နှင့် နိုင်ငံရေး ကိစ္စ လက်နက်ကိုင်ဆောင်ရေးကိစ္စ ဆွေးနွေး သည်ဟုဆိုသော ကတိကို အစိုးရဘက်က ချိုးဖောက်ပြီး နယ်ခြားစောင့်တပ် လုပ်ရန် အဓမ္မ လုပ်ရာမှ တိုက်ပွဲများ ဖြစ်လာကြတာပါ။ ဒါကြောင့် တရားခံဟာ စစ်အာဏာရှင်များသာ ဖြစ်သည်။

တပ်မတော်သားများနှင့် တိုင်းရင်းသားလက်နက်ကိုင် အဖွဲ့ဝင်များကို တင်ပြချင်တာက နှစ်ဘက် အဖွဲ့ဝင်များသည် တိုင်းတပါးသားများ မဟုတ်ကြပါ။ တမြေတည်းနေ တရေတည်း သောက်နေကြသည့် တိုင်းရင်းသား ညီအစ်ကိုမောင်နှမများပါ။ ဘယ်သူ သေသေ မကောင်းပါ။ စစ်အာဏာရှင်စနစ်၏ အမွေဆိုးကြောင့်သာ တဦး နှင့်တဦး သတ်ဖြတ်နေကြရတာပါ။

တဘက်နှင့်တဘက် နားလည်မှုပေးနိုင်ရန် အဓိက လိုပါသည်။ အောက်ခြေ စစ်သည်ချင်း တဦးနှင့်တဦး ရန်သူကဲ့သို့ မဆက်ဆံကြတော့ဘူးဆိုပါက စစ်ပွဲများ ရပ်စဲသွားပါလိမ့်မည်။

လွန်ခဲ့သောလပိုင်းလောက်က တပ်မတော် တပ်ရင်းတရင်းလုံး KIA နှင့် နားလည်မှု ရသွားသည့်အခါ စစ်ခေါင်းဆောင်ကြီးများက တပ်ရင်းမှူးများမှလွဲ၍ မည်သူကိုမျှ အရေးမယူဝံ့သည့် ဖြစ်စဉ် ရှိခဲ့ပါသည်။

ကချင်၊ ကရင်၊ ရှမ်း လက်နက်ကိုင်များကို မေတ္တာရပ်ခံချင်သည်မှာ - တပ်မတော်ထဲတွင်လည်း တိုင်းရင်းသား အများကြီးရှိပါသည်၊ လူမျိုးရေးကို ရှေ့တန်းမတင်ဘဲ စဉ်းစားဆုံးဖြတ်စေချင်ပါသည်၊ မလွှဲသာ၍ တဦးနှင့်တဦး ပစ်ကြခတ်ကြသည်မှလွဲပြီး နားလည် မှုပေးကြရန် လိုပါသည်။

ပြဿနာအားလုံး၏ အဓိကတရားခံ အာဏာရှင်ကြီးများကို မေတ္တာရပ်ခံချင်သည်မှာ - တိုင်းပြည်ကို ပြန်ကြည့်ပါ၊ နှစ်ပေါင်းများစွာ ပြည်တွင်းစစ်ဘေးစစ်ဒဏ် သင့်ပြီး ပြည်သူပြည်သားများသည် ဆင်းရဲဒုက္ခ ဒဏ်ရာများနှင့် ပြည့်နေပါပြီ။ ရှိနေသည့် မာန် မာနများကို ခဝါချသင့်နေပါပြီ။

ရရှိခဲ့ပြီးသား တိုင်းရင်းသားများနှင့် ငြိမ်းချမ်းရေးကိုလည်း “ ဝ” ၊ အခါ တို့ကဲ့သို့ ပြန်လည် သဘောတူသင့်ပါသည်။ မိမိစစ်သည်များ ကိုလည်း ပြန်ကြည့်ပါ၊ တော်တော်လေး ခါးချိနေကြပြီ။ ပြည်ပနိုင်ငံကို ထိုသို့သော စစ်ရေးစွမ်းရည်နှင့် ယှဉ်နိုင်ပါ့မလား၊ တရုတ်နိုင်ငံကို တကယ့် မိတ်အစစ်နိုင်ငံဟု ဗိုလ်ချုပ်ကြီးတို့ မသတ်မှတ်နိုင်ဘူး ဆိုသည်ကို နားလည်ပါသည်။

ယခု နိုင်ငံရေးကစားကွက်များ သစ်ဆန်းလာခြင်းမှာ ကောင်းပါသည်။ သို့သော် ကိုယ့်တိုင်းရင်းသားများကိုတော့ ထိုသို့မလုပ်ပါနှင့်၊ စကားပြောကြည့်ပါ။ တဖက်သတ်မဆက်ဆံပါနှင့်၊ ယုံကြည်မှုရရှိရန် လိုပါသည်။

သိက္ခာရှိသည့် အစိုးရဟု နိုင်ငံတကာတွင် လူရာဝင်ချင်ပါက ပြည်တွင်းပြည်ပ၏ ယုံကြည်မှု ရရန်လည်း လိုပါသည်။ အဘယ်ကြောင့် ဆိုပါက ယခင် စစ်အစိုးရခေတ်က လိမ်ညာမှု များခဲ့၍ ဖြစ်သည်။ ယခုလည်း လိမ်ညာနေတုန်း။ နိုင်ငံရေးအကျဉ်းသားမရှိ၊ ကလေး စစ်သားမရှိ ဟူ၍ ဖြစ်သည်။

သမ္မတကြီး ပြောသည့်အတိုင်း လုပ်နိုင်ပါစေဟု ဆန္ဒပြုပါသည်။

Credit :U Aung Lin Htut

                                          စာရေးသူ၊ ဗိုလ်မှူးအောင်လင်းထွဋ်

ယနေ့မြန်မာနိုင်ငံ၏ကံကြမ္မာသည် အမျိုးသားပြန်လည်သင့်မြတ်ရေး အား သမ္မတဦးသိန်းစိန်ခေါင်းဆောင်သော လက်ရှိအစိုးရအသစ် နှင့် ဒေါ်အောင်ဆန်းစုကြည် ဦးဆောင်သောအတိုက်အခံလွှတ်တော်အတွင်း၊အပြင် ပုဂ္ဂိုလ်များအချိန်မှီ မဆောင်ရွက်နိုင်လျှင် မကြာသောကာလတွင် တရုပ်နိုင်ငံ၏ကိုလိုနီဖြစ်လာလိမ့်မည့် အရေးကြိုတင်ဟောကိန်းထုတ်လိုပါသည်။ နေပြည်တော်အခြေအမြစ်မှလာသောသတင်းများအရရက်ပိုင်းအတွင်းကဒုတိယသမ္မတသီဟသူရဦးတင်အောင်မြင်ဦးတရုပ်နိုင်ငံသို့ လျှို့ဝှက်ခရီးထွက်ခွါသွားကြောင်း သိရပါသည်။ ဧရာဝတီမြစ်ဆုံရေ ကာတာကိစ္စအတွက် ဆွေးနွေးရန်သွားကြောင်း အတည်ပြုဆဲသတင်းများအရ သိရပါသည်။ နိုင်ငံခြားရေးဝန်ကြီး ဦးဝဏ္ဏမောင်လွင် ကတော့ အမေရိကန်နိုင်ငံ ဝါရှင်တန်မြို့ သို့ရောက်ရှိနေပြီး သမ္မတအိမ်တော်မှတာဝန်ရှိသူများနှင့်သမ္မတ၏အထူးကိုယ်စားလှယ် DerickMitchell တို့နှင့်တွေ့ဆုံဆွေးနွေး နေပြီဖြစ်ပါသည်။

တရုပ်နိုင်ငံ သည် ဖိလစ်ပိုင်၊ ဗီယက်နမ်၊ မလေးရှား၊ ဘရူနိုင်း တို့နှင့်ပြဿနာဖြစ်နေသော South China Sea အတွင်း Spratly ကျွန်းစုအရေးကိစ္စ နှင့်ပတ်သက်၍ အာဆီယံအဖွဲ့ဝင် မြန်မာနိုင်ငံ အား တရုပ်နိုင်ငံဘက်မှထောက်ခံရန် ရပ်တည်ပေးရန်သမ္မတဦးသိန်းစိန်ကိုဖိအားပေးလျက် ရှိကြောင်း သိရပါသည်။ သမ္မတဦးသိန်းစိန် အနေဖြင့် တရုပ်နိုင်ငံ၏ တောင်းဆိုချက်ကို လက်ခံလိုစိတ်မရှိကြောင်း အာဆီယံနိုင်ငံများနှင့် သာလက်တွဲသွားလိုသည့်ဆန္ဒရှိသဖြင့် တရုပ်ခေါင်းဆောင်များမကြေမနပ် ဖြစ်နေကြပါသည်။ Spratly ကျွန်းစုအရေးကိစ္စ ဖြစ်နေသောနိုင်ငံများအနေဖြင့်လည်း လက်ရှိအနေအထားအရ တရုပ်တို့ကို ရင်ဆိုင်ရန် အမေရိကန်နိုင်ငံ ထံမှ စစ်ရေးအကူညီရရေး ချဉ်းကပ်နေကြပါသည်။ သို့သော် မြန်မာအစိုးရအနေဖြင့်မူ တရုပ် နိုင်ငံအစိုးရကို ပေါ်ပေါ်ထင်ထင် မဆန့်ကျင်ရဲသလို လူ့အခွင့်အရေးချိုးဖေါက်မှုများကြောင့် အမေရိကန်အစိုးရ ကိုချဉ်းကပ်ရန် မဝံ့မရဲဖြစ်နေရသည့် အခြေအနေမျိုးဖြစ်နေပါသည်။

ထို့အပြင် စစ်အာဏာရှင် ဗိုလ်ချုပ်မှူးကြီးသန်းရွှေ ၏ တစ်ဦးတည်းမှားယွင်းစွာဆုံးဖြတ်ခဲ့မှုကြောင့် မြန်မာနိုင်ငံ သည် တရုပ်အစိုးရ ၏ လက်ဝေခံဘဝရောက်ခဲ့ရပါသည်။ စာချုပ်ပေါင်းများစွာကို တရုပ်တို့အလိုကျ လက်မှတ်ထိုးရေးထိုးပေးခဲ့ရသဖြင့် လက်ရှိ သမ္မတဦးသိန်းစိန် အစိုးရသည် ချီတုတ်ခံထားရသည့် သဘောဖြစ်နေပါသည်။ တရုပ်တို့၏ တောင်းဆိုချက်အတိုင်း သမ္မတဦးသိန်းစိန် အစိုးရသည် နယ်စပ်ဒေသရှိ ”ဝ“ နှင့်မိုင်းလားလက်နက်ကိုင်အဖွဲ့များကိုယခင်အခြေအနေများအတိုင်းနေထိုင်ခွင့်ပြုရန် သဘောတူညီခဲ့ရပါ သည်။ ယနေ့ မြန်မာတစ်မျိုးလုံး၏ အမျိုးသားရေးကိစ္စဖြစ်သော ဧရာဝတီမြစ်ကယ်တင်ရေး သည် အစိုးရအာဏာပိုင်အများစုအပါဝင် တစ်မျိုးသားလုံး၏ တောင်းဆိုမှုကြောင့် သမ္မတဦးသိန်းစိန် အနေဖြင့်ရေကာ တည်ဆောက်ရေးကိုရပ်တံ့ရန်ဆန္ဒရှိကြောင်းသိရပါသည်။သို့သော်တရုပ်အစိုးရ ဘယ်လိုတုံ့ပြန်မလဲဆိုတာ စောင့်ကြည့်ရပေဦးမည်။ ယခင်အစိုးရလက်ထက် တရုပ်တို့နှင့် သဘောတူလက်မှတ်ထိုးခဲ့သည့် ကိစ္စဖြစ်နေ၍ တရုပ်တို့၏သဘောထားကိုပြန်လည်မေးမြန်းဘို့လိုသလိုကုန်ကျသုံးစွဲပြီးငွေကြေးများ မည်ကဲ့သို့ဆောင်ရွက်မည် ဆိုသည်ကိုလည်းညှိနှိုင်းရပေဦးမည်ဖြစ်ပါသည်။ ထို့ကြောင့် သီဟသူရဦးတင်အောင်မြင်ဦး တရုပ်နိုင်ငံသို့ သွားနေရပါသည်။

ဧရာဝတီမြစ်ဆုံရေ ကာတာ တည်ဆောက်မှု ကိစ္စ အတွက် မြန်မာပညာရှင်များ တရုပ်နိုင်ငံသိ့သွားရောက်စဉ် တရုပ်တာဝန်ရှိသူများမှ ရေကာတာတည်ဆောက်မှုကြောင့် ဆိုးကျိုးများဖြစ်လာမည်ကိုသိရှိပြီး ဖြစ်သောလည်း ဘာကြောင့်လုပ်ရသလဲဆိုတော့”မင်းတို့အစိုးရကိုယ်တိုင်သဘောတူလို့ငါတို့လုပ်တာ၊မင်းတို့အစိုးရကိုမင်းတို့ အပြစ်တင်၊မင်းတို့အချင်းချင်းပြဿနာဖြစ်တာငါတို့နှင့်မဆိုင်ဘူး၊ငါတို့ကတော့အကျိုးအမြတ်ရှိရင် ဘာမဆို လုပ် မှာဘဲ” လို့ပြောလွှတ်လိုက်ကြောင်းသိရပါသည်။ အကယ်၍ တရုပ်အစိုးရက ဧရာဝတီမြစ်ဆုံရေ ကာတာ တည်ဆောက်မှု ရပ်စဲရေးကို သဘောမတူခဲ့ဘူးဆိုလျှင် ကျွန်တော်တို့ ဘာဆက်လုပ်ကြမလဲဆိုတာကိုလဲ စဉ်းစားထားဘို့လိုမည်ဖြစ်ပါသည်။

သို့ပါ၍ ဧရာဝတီမြစ်ကယ်တင်ရေးအတွက် လက်ရှိဆောင်ရွက်နေသော အမျိုးသားပြန်လည်သင့်မြတ်ရေး အချိန်ဆွဲ မည်ဆိုပါက မြန်မာနိုင်ငံသည်မကြာမှီ တရုပ်တို့၏ရန်အန္တရယ် နှင့်ရင်ဆိုင်ရလာနိုင်ကြောင်းသုံးသပ် တင်ပြအပ် ပါသည်။

၂၀၁၁ ခုနှစ် စက်တင်ဘာ လ ၂၉ ရက် 

ဝါရှင်တန်မြို့

Credit :U Aung Lin Htut