(၂၂ ဇူလိုင် ၂၀၁၁) သောကြာနေ့က နော်ဝေနိုင်ငံမှာ အကြမ်းဖက်တိုက်ခိုက်ခံရမှု နှစ်ခုဖြစ်ခဲ့ပါတယ်။ တစ်ခုက အော်စလိုမှာရှိတဲ့ ၀န်ကြီး ချုပ်ရုံးကို ဗုံးခွဲတိုက်ခိုက်တာဖြစ်ပြီး အဲဒီဗုံးခွဲမှုကြောင့် (၇) ဦးသေဆုံးတယ်လို့ သတင်းတွေမှာဖော်ပြနေပါတယ်။ တစ်ခုကတော့ ယူတိုယာကျွန်းပေါ်မှာ နွေရာသီစခန်းချနေတဲ့ (အဲဒီကို နော်ေ၀၀န်ကြီးချုပ် မိန့်ခွန်းပြောဖို့သွားမှာပါ) ကျောင်းသားလူငယ်တွေကို လူတစ်ဦးတည်းက သေနတ်နဲ့ပစ်သတ်တဲ့အတွက် သေဆုံးသူ (၉၀) ကျော်တယ်လို့ သတင်းတွေမှာတွေ့နေရပါတယ်။ ဒီတိုက်ခိုက်မှုနှစ်ခုစလုံးဟာ ဆက်စပ်မှုရှိတယ်လို့လည်း သတင်းတွေမှာ သုံးသပ်ဆွေးနွေးနေကြပါတယ်။ အစ္စလာမ်အစွန်းရောက်တွေရဲ့ တိုက်ခိုက်မှုမဟုတ်ဘူးလို့လည်း သုံးသပ်ကြပါတယ်။ နော်ဝေ လက်ယာအစွန်းရောက် (အမျိုးသားရေးဝါဒီ) တွေရဲ့ တိုက်ခိုက်မှုလို့ ယေဘူယျ သတ်မှတ်ထားပါတယ်။ တော်တော်ဆိုးဝါးပြီး လက်ခံနိုင်စရာမရှိတဲ့ တိုက်ခိုက်မှုပါ။
နော်ဝေ၊ ဆွီဒင်၊ ဒိန်းမတ်ဆိုတဲ့ စကင်ဒီနေးဗီးယန်းနိုင်ငံတွေဟာ အကြမ်းဖက်မှုကင်းရှင်းပြီး စီးပွားရေးတောင့်တင်းတဲ့နိုင်ငံတွေဖြစ် ပါတယ်။ ကမ္ဘာအရပ်ရပ်က ဒုက္ခသည်တွေ ပြောင်းရွှေ့နေထိုင်ခွင့်ပြုတာမှာလည်း အတက်ကြွဆုံး နိုင်ငံတွေဖြစ်ပါတယ်။ လူမှုဖူလုံရေး အထောက်အပံ့ကောင်းပြီး ဘ၀လုံခြုံမှုအရှိဆုံးနဲ့ ဒီမိုကရေစီနဲ့ လူ့အခွင့်အရေးအပြည့်အ၀ရှိတဲ့နိုင်ငံဖြစ်လို့ ဒုက္ခသည်တွေ အကြိုက်တွေ့ တဲ့နိုင်ငံလည်း ဖြစ်ပါတယ်။ အာဖရိကဦးချိုဒေသနဲ့ အရှေ့အလယ်ပိုင်းက ဒုက္ခသည်အများစုကို နော်ဝေနိုင်ငံက များများစားစားလက်ခံ ထားတာကို တွေ့ရပါတယ်။
ဒါပေမယ့် ဒီလိုနိုင်ငံမျိုးမှာပဲ အမျိုးသားရေးဝါဒပြင်းထန်သူတွေလည်း ရှိနေပြန်ပါတယ်။ ဒီလက်ယာစွန်းအုပ်စုတွေဟာ နော်ဝေနိုင်ငံရဲ့ လူမှုဖူလုံရေးခံစားခွင့်ကို ရွှေ့ပြောင်းအခြေချတွေအပေါ် ခံစားခွင့်ပေးနေတာ၊ မွစ္စလင်ဒုက္ခသည်အများစုကို နော်ဝေနိုင်ငံက လက်ခံနေတာ စတာတွေကို အမြဲတမ်းဆန့်ကျင်ကန့် ကွက်နေပါတယ်။ နောက် အစိုးရရဲ့ အခြားသော နိုင်ငံရေးဆိုင်ရာ ပေါ်လစီတွေအပေါ်မှာလည်း တော်တော်မနှစ်မြို့ဖြစ်နေကြပါတယ်။ အထူးသဖြင့် လက်ယာအုပ်စုတွေဟာ နော်ဝေအရှေ့ခြမ်းမှာ အခြေစိုက်ပြီး အတော်များများက ခရစ်ယာန်အခြေခံဝါဒီတွေလည်းဖြစ်ကြပါတယ်။ ဒါကြောင့် မွစ္စလင်ကို ပြင်းပြင်းထန်ထန် မုန်းတီးစိတ်ရှိတယ်လို့လည်း ဆိုကြပါတယ်။ လက်ယာယိမ်းတဲ့အုပ်စုဟာ အနည်းစုလောက်သာဖြစ်တယ်လို့လည်း ဆိုပါတယ်။ အခုဖြစ်တဲ့ တိုက်ခိုက်မှုတွေကတော့ လူမျိုးရေး၊ ဘာသာရေးမုန်းတီးမှုကို အခြေခံတဲ့ တိုက်ခိုက်မှုမျိုးမဟုတ်ဘဲ အစိုးရရဲ့ပေါ်လစီတွေ အပေါ် ပြင်းပြင်းထန်ထန်တုန့်ပြန်တဲ့ တိုက်ခိုက်မှုလို့ ကောက်ချက်ချနေကြပါတယ်။
နော်ဝေနိုင်ငံရဲ့ လတ်တလောပြဿနာဟာ ဇစ်မြစ်ကဘာလဲဆိုတာ ကောက်ချက်ချဖို့ စောနေပါသေးတယ်။ ဒါပေမယ့် အထက်မှာပြောခဲ့ သလို လက်ယာအုပ်စုတွေ အမျိုးသားရေးအစွန်းကျလာစေမယ့် အခြေခံအကြောင်းတရားတော်တော်များများကလည်း ပြည့်နှက်နေ ပါတယ်။ အရင်းခံကတော့ အစိုးရတွေရဲ့ ပေါ်လစီတွေက တွန်းပို့လိုက်တဲ့ ဖြစ်စဉ်ပဲလို့ ကောက်ချက်ချရမှာဖြစ်ပါတယ်။ ဒီမိုကရေစီနဲ့ လူ့အခွင့်အရေးစံတန်ဖိုးတွေ အပြည့်ဝဆုံးနိုင်ငံမှာ ဒီလိုအကြမ်းဖက်မှုတွေဖြစ်လာတာဟာ တော်တော်ကို စိုးရိမ်စရာကောင်းတဲ့ အခြေ အနေဖြစ်ပါတယ်။ ဒီမိုကရေစီရေးရှေ့ပြေးနေပါလျှက်နဲ့ ဇတ်ကြိုးကို ဆောင့်ဆွဲခံလိုက်ရတဲ့အဖြစ်မျိုးလို့ဆိုရမှာပါ။ ဒီကနေ့အခြေ အနေဟာ လူနည်းစုရဲ့အသံကို လုံးလုံးမျက်ကွယ်ပြုလိုက်တာနဲ့ အကြမ်းဖက်မှုတွေ တိုက်ရိုက်ဖြစ်လာနိုင်တယ်လို့လည်း သုံးသပ်ရတော့မှာ ဖြစ်ပါတယ်။
ဒီလိုဖြစ်ရပ်မျိုးတွေ မြန်မာနိုင်ငံမှာ တနေ့နေ့ တချိန်ချိန်ဖြစ်လာမှာကို တော်တော်စိုးရိမ်မိပါတယ်။ အိန္ဒိယရဲ့ အရှေ့မျှော်ဝါဒနဲ့ တရုတ်ရဲ့ စီးပွားရေးအလွန်အကျွံနယ်ချဲ့မှုတွေကြားမှာ စစ်အုပ်စုတဖြစ်လဲ ကြံ့ဖွံ့အစိုးရဟာ ကျားကစားနေတုန်းပါ။ တရုတ်ကိုမျက်နှာသာပေးလွန်း ပြီး အိန္ဒိယကို အချိုသပ်ထားပါတယ်။ ဒီအကျိုးဆက်က မြန်မာပြည်သူလူထုအပေါ်မှာ ဒုတ်ဒုတ်ထိခံစားလာနေရပါပြီ။
တလောလေးက မန္တလေးကျောက်ပွဲစားတန်းမှာ ဗမာကျောက်ပွဲစားကို တရုတ် ၆ ယောက်က ၀ိုင်းရိုက်လိုက်တဲ့ဖြစ်စဉ်ဟာ သက်သေပြ လိုက်တာလည်း ဖြစ်ပါတယ်။ တရုတ် ၆ ယောက်ဟာ နယ်စပ်ဖြတ်ကျော် ပက်စပို့စ်နဲ့လာတဲ့ တရုတ်ပြည်ဖွားစစ်စစ်တွေဖြစ်တဲ့အတွက် မြန်မာနိုင်ငံရဲတပ်ဖွဲ့အင်အား ၁၀၀ ကျော်ရဲ့ အစောင့်အရှောက်နဲ့ ဗမာတွေထောင်ချီဝိုင်းထားတဲ့ ကျောက်တန်းက ထွက်နိုင်ခဲ့ပါတယ်။ မြန်မာနိုင်ငံထဲမှာ တရုတ်တွေရဲ့ ဘုန်းတန်ခိုးကြီးထွားချက်က အဲဒါပါပဲ။ ဒီလို လိုတာထက်ပိုပြီး ဘုန်းတန်ခိုးကြီးထွားခွင့်ပြုထားတာက နအဖ - ကြံ့ဖွံ့ပါ။ နယ်စပ်က၀င်ချင်တိုင်းဝင်တယ်။ လာဘ်ငွေတနင့်တပိုးပေးပြီး နိုင်ငံသားစိစစ်ရေးကဒ်ရအောင်လုပ်၊ တိုက်ကြီးတာကြီး အိမ်ကြီး ခြံကြီးတွေ မြန်မာပြည်တနံတလျား အပိုင်သိမ်းထားတာလည်း မရေမတွက်နိုင်အောင်ပါပဲ။ မန္တလေးလူရွှင်တော် ဦးချစ်စရာရဲ့ မန္တလေးသားစစ်စစ်ကြီးပါဗျာ ဆိုတဲ့ ပြဇာတ်ကိုကြည့်လိုက်ရရင်ပဲ တော်တော်လေးကို သဘောပေါက်လောက်ပါတယ်။
ဒီလိုတရုတ်လက်သစ်တွေကို မြန်မာပြည်ဖွား တရုတ်တွေကတောင် တရုတ်တရုတ်ချင်း မြင်ပြင်းကတ်လောက် မုန်းကြတာလည်း ရှိပါသေးတယ်။ ဒီတရုတ်လက်သစ်တွေက တရုတ်ပြည်ရဲ့ တစ်အိမ်ထောင်ကလေးတစ်ယောက်စနစ်အောက်မှာ မွေးလာကြတာဖြစ်တဲ့ အတွက် တစ်ဦးတည်းသောရင်သွေးများပီပီ မောက်မာတာ၊ ဗိုလ်ကျတာ၊ နိုင်လိုမင်းထက်ပြုတာ၊ တစ်ကိုယ်ကောင်ဆန်တာဆိုတဲ့ စိတ်အခြေခံနဲ့ကြီးပြင်းလာကြတာဖြစ်တဲ့အတွက် မြန်မာပြည်ဖွားတရုတ်တွေနဲ့ အကြောမတည့်နိုင်ဘူးလို့တောင် ဆိုကြပါတယ်။ နအဖ - ကြံ့ဖွံ့လက်ထက် မြန်မာပြည်သားတွေ ပြားပြားမှောက် ဒုက္ခရောက်နေရတဲ့ကာလမျိုးမှာမှ ဒီလိုအနိုင်အထက်ပြုကျင့်တာခံနေရတဲ့ အနေအထားတွေက လူမျိုးရေးမုန်းတီးမှုတွေဆီကို ဦးတည်ပြေးလွှားနေစေပါတယ်။ ဒါ့အပြင် မြန်မာပြည်ဖွား မြန်မာတရုတ်ဖြစ်ပါလျက် တရုတ်ဘက်လိုက် မိုက်ဘက်ပါ၊ ပြည်ကြီးပေါက်တွေကိုအားကျ၊ ဌာနေမြန်မာတိုင်းရင်းသားတွေအပေါ် မောက်မာ ဗိုလ်ကျနေတဲ့ တရုတ်မျိုး မစစ်တစစ်တွေရဲ့ ပြဿနာကလည်း တစ်မှုပါပဲ။ ဒီအခြေအနေတွေက မြန်မာပြည်သူ တရပ်လုံးထဲက အများစုကို အမျိုးသားရေးအစွန်းရောက်စေတဲ့စိတ်ကို မွေးဖွားပေးနေပါတယ်။
ဒါ့အပြင် တရုတ်ပြည်ရဲ့ မြန်မာအပေါ်ထားတဲ့ နိုင်ငံခြားဆက်ဆံရေးဗျူဟာကလည်း မြန်မာပြည်သူလူထုကို အသည်းယားစေပါတယ်။ နေရာတကာမှာ မြန်မာအပေါ် တရုတ်ရဲ့ကာဆီးကာဆီးဗျူဟာက နအဖ - ကြံ့ဖွံ့ကို နှာစေးသက်သာစေပေမယ့် မြန်မာပြည်သူလူထု အတွက် အသက်ရှူကြပ်နေရပါတယ်။ တရုတ်ရဲ့ ပထ၀ီနိုင်ငံရေးနယ်ချဲ့မှုနှပ်ကြောင်းကို ကောင်းကောင်းကိုင်ထားတဲ့ ကြံ့ဖွံ့စစ်အုပ်စုရဲ့ ဗျူဟာကလည်း အအောင်မြင်ကြီးအောင်မြင်လျှက်ပါပဲ။ ဒီလို သမီးပေး နှမပေး တရုတ်ယောက်ဖခေါ် ကြံ့ဖွံ့ပေါ်လစီအောက်က မြန်မာပြည်သူလူထုရဲ့ဘ၀ဟာ ပြားပြားမှောက်လျှက်ပါပဲ။
ဒါ့အပြင် မြန်မာအတိုက်အခံတွေထဲကိုကပဲ လက်ဝဲယိမ်းကပြားတွေရဲ့ (လက်ဝဲအယူအဆကိုင်စွဲသူ အားလုံးကိုမဆိုလိုပါ၊ တရုတ်မျှော် လက်ဝဲသမားများကိုသာဆိုလိုပါသည်) တရုတ်နိုင်ငံခြားရေးပေါ်လစီကို ကာဆီးကာဆီးလုပ်ပြောနေတာကလည်း ပြဿနာတစ်ပါးပါပဲ။ “တရုတ်က မြန်မာပြည်တွင်းရေးဝင်စွက်မှာမဟုတ်ဘူးလို့ပြောထားပြီးသား” “ မြန်မာပြည်ရဲ့ကိစ္စဟာ မြန်မာပြည်သူတွေကသာ ဆောင်ရွက်ရမှာဖြစ်တယ်” “တရုတ်က သူ့အကျိုးစီးပွားသူကြည့်တာပါပဲ” “ဘာပဲ ညာပဲ” ဒီလို ကာဆီးကာဆီးပြောပြီး တဖက်က တရုတ်ကွန်မြူနစ်အပေါ်(တရုတ်ကြီး မြန်မာ့အရေးကိုဝင်လာပါစေလို့) စိတ်ကူးယဉ်နေတာကလည်း ကိစ္စတစ်ခုပါပဲ။ ဒီလို နအဖ - ကြံ့ဖွံ့နဲ့ လက်ဝဲယိမ်း အုပ်စုတွေရဲ့ တရုတ်မျှော်ပေါ်လစီက မြန်မာပြည်သူလူထုကို လက်ယာစွန်းကျတဲ့ အတွေးအခေါ်ဆီ တွန်းပို့နေပြန်ပါတယ်။
ဒီလိုအကြောင်းတရားတွေအောက်မှာ တချိန်ချိန် အသည်းအသန်ဝေဒနာခံစားရမှာက မြန်မာပြည်သူလူထုအများစုနဲ့ မြန်မာပြည်ဖွား တရုတ်နွယ်ဖွား အများစုပါပဲ။ ဒီလို လူမျိုးရေးမုန်းတီးသတ်ဖြတ်မှုတွေဖြစ်လာခဲ့ရင် ဒီမီးကိုစမွှေးခဲ့တာ ကြံ့ဖွံ့စစ်အုပ်စုနဲ့ တရုတ်မျှော် လက်ဝဲသမားတွေရဲ့စနက်လို့ တထစ်ချပြောရပါလိမ့်မယ်။ ၁၉၆၆ ခုနှစ် တရုတ် ဗမာ အဓိကရုဏ်းထက် အဆ ၁၀၀ သာပါလိမ့်မယ်။ ပထစအစိုးရ၊ အိမ်စောင့်အစိုးရ၊ နေ၀င်းအစိုးရက ချန်ထားခဲ့တဲ့ အမွေဆိုးထက် နအဖ - ကြံ့ဖွံ့စစ်အုပ်စုလက်ထက်က ချန်ထားခဲ့မယ့် အဆိုးတကာ့အဆိုးဆုံးအမွေတွေထဲက ဒီပြဿနာကို မြန်မာပြည်သူလူထု ခါးစည်းခံရပါလိမ့်မယ်။
မြန်မာနိုင်ငံမှာ ဒီမိုကရေစီရေးအပြောင်းအလဲတွေဖြစ်ပေါ်လာခဲ့ရင်တောင် ရှင်းရမယ့် အရှုပ်အထုပ်တွေက မနည်းလှပါဘူး။ ဒီလိုအရှုပ် အထုပ်တွေထဲမှာ လူမျိုးရေးမုန်းတီးသတ်ဖြတ်မှုဆိုတဲ့ အရှုပ်အထုပ်တွေနဲ့ မကြုံရပါစေနဲ့လို့ ဆုတောင်းလိုက်ပါတယ်။ ပြဿနာတွေရင် ဆိုင်ရတိုင်း စိတ်ရှည်ခြင်း၊ သည်းခံခြင်း၊ အနစ်နာခံခြင်း၊ ဇွဲသန်ခြင်း၊ ကြင်နာခြင်း စတဲ့ မြန်မာပြည်ဖွားတိုင်းရင်းသားတို့ရဲ့ အခြေခံစိတ် နေစိတ်ထားတို့ဖြင့် ရင်ဆိုင်ကျော်လွှားနိုင်ကြပါစေလို့ ဆန္ဒပြုပါတယ်။
အမွေဆိုးများချန်ထားခဲ့ခြင်းမှ ကင်းရှင်းရပါလို၏။ တရုတ်မျှော်အတ္တသမားများ ကျဆုံးပါစေ။
ကိုဇင်
0 comments:
Post a Comment